رحلة حياتى

(رحلة حياتي ) ح11
سيف وهو مبتسم : طيب كويس اوي ……………امل قاطعته :بس بشرط
سيف : ايه هو
امل : ان التمثيليه دي كلها تخلص قبل ما اروح السكن تاني يعني في خلال الشهريين الجيين دول
سيف : اكيد انا قولتلك ان الحكايه دي هتخلص بمجرد ان والدي يرجع مصر تاني
امل : اذا كان كده بيقي خلاص كل حاجه وبعدين قلتله استني طب لو والدك سألني علي اهلي اقوله ايه
سيف :

انا عايزك تقوليلي ان اهلك مهاجرين لفرانسا وانتي جيتي هنا علشان تدرسي ولما كنا هتنجوز اخدتي موفقتهم بس معرفوش يجوا علشان شغلهم ولو سألك هما بيشتغلوا ايه قوليلوا انهم فتحوا شركه صغيره للاستيراد والتصدير
امل : وتفتكر هيصدق
سيف : انا هخلي المحامي يحضر اوراق تثبت كده في حاله لو مكنش مصدق بس اهم حاجه ان الموضوع دا ميطلعش لحد
امل: لا اكيد وانا هقول لمين بس وبعد شويه بصوا لبعض وقالوا فنفس واحد : خالد
امل : خلاص سيب موضوع خالد ده عليا
سيف :

ماشي علي العموم اتا هخرج دلوقتي علشات اروح الشغل بما ان الوقت لسه بدرى
امل :طيب انا نزله اوضتي بقي ونزلت امل من اوضة سيف ودخلت اوضتها وبدأت تفكر في الي عملته اذا كان صح ولا غلط ولسه وسمعت صوت بابا الفيلا بيتفتح ويتقفل بتبص من الشباك لقت سيف ركب عربيته وراح شغله رجعت امل تفكر تاني ازاى كان الي عملته صح ولا لا وفي الاخر موصلتش لحل وبعد ما زهقت من التفكير خرجت من اوضتها وبدأت تلف في الفيلا وبعج حوالي ساعتين امل اتصلت بخالد
خالد :

يا برنس الليالي اءمرني
امل :انت يابني متأكد انك عشت طول عمرك هتا انا لو بكلم واحد من بولاق مش هيقولي يابرنس الليالي
خالد : منا كل سنه والتانيه بنزل مصر وبعدين انا حافظ كل الافلام المصريه المهم عايزني في ايه يا برنس
امل : بص النهارده انا اجازه من الجامعه وقعده وزهقانه هنا فقلت اتصل بيك اكيد خلصت محضراتك وتيجي نلعب انا وانت جيمين
خالد : بس كده خمسه وتلقيتي عندك
امل : ماشي سلام
خالد : سلاموز وبعد فتره خالد وصل الفيلا في الوقت دا كانت امل بتلعب علي البلاستيشن
خالد :

يعني تقوليلي تعالي نلعب انا وانت وفي الاخر تغدري يا وتلعبي لوحدك
امل : انا كنت بسخن بس علشان استعد اقعد يلا علشان نلعب بس انا بحذرك هتخسر يعني هتخسر
خالد : ما عاش ولا كان الي يخسرني وبعدين بدأوا يلعبوا في الوقت دا امل قالت لخالد علي الي حصل امبارح
خالد ( وهو بيضحك ) : دا حصل بجد
امل : ايوه
خالد:وانتي وافقتي علي الموضوع دا ولا لا
امل : بصراحه ايوه
خالد في الوقت دا ساب اللعبه وبدأ يضحك بصوته كله
امل :

بطل بقا يخربيتك
خالد وعينيه دمعت من كتر الضحك : اصلي مش قادر اصدق الي عملتوه انتوا اللتنين ورجع يضحك تاني
امل : بطل بقي واسمعني
خالد بعد لما هدي : ها هتقولي ايه
امل : موضوع اني جايه هنا علشان السكن تنساه خالص ولو والد سيف سألك هتأكدله ان احنا فعلا متجوزين من تلت شهور ماشي
خالد وبدأ يضحك تاني : ماشي بس بلاش كلمه متجوزين دي علشان كل ما افتكر الموضوع مقدر امسك نفسي الصراحه ولسه وتلفونه رن وخالد رد كان واحد من صحابه كلمه شويه وبعدين قفل معاه خالد :

انا لازم امشي دلوقتي ماشي سلام
امل : ماشي سلام ورجعت امل تاني تلف في الفيلا تاني وبعدين اتصلت بابوها وامها واطمنت عليهم زى كل يوم ولسه وسيف وصل واول ما دخل الفيلا
امل : انت جيت
سيف : ايوه لسه واصل
امل طب انل هقلهم يحضروا العشا علشان انا همو,,ت من الجوع
سيف : ماشيﻻوانا هغير ونازل
العشا جهز وامل وسيف عقدوا علي السفره علشان ياكلوا ولسه والباب خبط واحده من الخدم فتحت الباب كان احمد عز الدين
سيف :

ازيك يا بابا اتفضل وبعدين قعد معاهم علي السفره
احمد عز الدين : بالرغم من اني لغايه دلوقتي مش مصدقه الحكايه دي من الاول بس مقدميش غير اني اوافق انا انا مجتش النهارده علشان اسألكم ولا علشان ازعق ان جيت هنا علشان اقلكم ان الفرح هيبقي بعد اسبوع
امل وسيف فنفس الوقت : فرح

(رحله حياتي ) ح 12
سيف : فرح مين
احمد عز الدين : فرحكوا مهو انا سكت ومقلتش حاجه لما اتجوزت من ورايا بس انت ابني الوحيد وكمان انته مدير شركه من اكبر الشركات الموجوده هنا
سيف : بس يابابا ………….. والده قاطعه : انا قلت الي عندي واذا كان علي القاعه والدعوات فانا هشرف عليهم بنفسي غير كده انا مش هقبل اي عذر ودا اخر كلام عندي وانت عارف انا ممكن اعمل ايه سلام وبعدين سبهم ومشي
امل : يعني والدك هيعملنا فرح بجد
سيف :

الظاهر معندناش حل تاني
امل :ا انا وفقت اني امثل معاك ان احنا متجوزين بس تصول لفرح ومعازيم واكيد مصورين لالالالا انا الم هدومي واروح البلد ارحملي
سيف : هو كل ما تحصل حاجه تقوليلي نفس الكلمتين دول وبعدين متخفيش القاعه مش عيكون فيها مصور واحد
امل : ويعني تفتكر والدك هيوافق
سيف : هو اجبرنا علي الفرح دا فمعتقدش انوا هيرفض لو طلبت منه ان ميكنش فيه مصورين فالفرح
امل : طيب وبالنسبه لبابا وماما
سيف : هنقول لوالدي انهم مقدروش يحضروا علشان عندهم شغل كتير
………………………………….بعد اسبوع …………………………….

يوم الفرح بالليل سيف كان لبس البدله واح علشان يجيب امل ولما وصل علي المكان الي امل فيه خرج من العربيه واتصل بيها
سيف : انتي فين كل دا احنا اتاخرنا
امل : انا جيه اهو بس الفستان طويل اوى ومش عارفه امشي بيه
سيف : بسرعه الناس مستنيانا…………… سيف سكت وبدا يبص فالوقت دا كانت امل نازله بفستان الفرح سيف مكنش قادر يبعد عينه عنها وفنفس الوقت مكنش عارف هو ليه بيبصها اوي كده لغايه لما امل وصلت عنده
امل :

انا لو هتبهدل البهدله دي يوم فرحي علي ايه انا اقعد في بيت ابويا معززه مكرمه احسن
سيف بعد ما رجع لارض الواقع طبعا بعد الكلام الي قلته امل :طب يلا اركبي علشان احنا اتاخرنا اوي وركب سيف وامل العربيه وراحوا القاعه
امل مكنتش تعرف حد فالقاعه غير سيف وخالد ووالد سيف
رغم ان الي كانوا فالقاعه مش بس اهل سيف وكمان رجال اعمال وبعدين بدأت امل تسلم علي اهل سيف بس الي لفت انتباها هي سلمي وهي بنت عم سيف لانها الوحيده الي مكنتش مبسوطه فالوقت دا وبعدبن جا الوقت علشان العريس والعروسه يرقصوا مع بعض سيف

قام ويعدين مد ايده لامل علشان تقوم ترقص معاه
سيف : يلا قومي
امل : بس انا مبعرفش ارقص خالص
سيف : الناس كلها بتبص خلصي وقامت امل معاه وبدأو يرقصوا
سيف : رجلي يامتخلفه
امل :

منا قلتلك اني مبعرفش ارقص وبعد ما سيف اقتنع ان امل مبتعرفش ترقص خالص رجعوا قعدوا تاني وبعد 3 ساعات امل وسيف رجهعوا الفيلا وامل دخلت اوضتها وسيف طلع اوضته
ولما الصبح طلع طبعا مكنش ينفع ان امل تروح الجامعه ولا ان سيف يروح الشغل في الوقت دا سيف صحي الساعه 6 الصبح ونزل علشان يفطر وقال لوحده من الخدم تروح تصحي امل
امل وقتها كانت فسابع نومه وبالعافيه لما قامت وبعدين غسلت وشها ( اوضه امل فيها حمام ) وبعدين خرجت
امل : صباح الخير هي الساعه كام
سيف :

صباح النور الساعه 6
امل بصتله وهى مكشره : حرام عليك حد يصحي حد الساعه 6
سيف : علشان تفطرى
امل : مهو انت لو اتبهدلت البهدله الي اتبهدلتها امبارح مكنتش قومت النهارده اصلا
سيف : يعني هتكلي ولا لا
امل وهى بتقعد علي السفره : هاكل وامرى لله وبعد ما خلصوا اكل
سيف:

انا هطلع فوق اكمل شغل وبعدين طلع اوضته في الوقت دا امل رجعت نامت وصحيت الليل كان راسها في الوقت مصدع اوى خرجت من اوضتها وقعدت قدام التلفزيون وبعد نص ساعه فاقت وطلعت عند سيف وبدأت تخبط الباب
سيف :مين
امل : انا
سيف : ادخلي
امل بعد ما فتحت الباب : انا زهقانه انزل معايا تحت نلعب انا وانت جيمين
سيف : مينفعش انا عندي شغل ولسه وتلفون سيف رن
سيف : ايوه يابابا
احمد عز الدين : ايوه يا سيف بقولك ايه انت مشغول دلوقتي
سيف :

لا يابابا هكون مشغول فايه بس
احمد عز الدين : طب كويس اوى تعالي انت وامل علي مطعم ………….. انا وعلتك كلها هنالك مستنينك ماشي سلام

(رحله حياتي )ح13
امل: فيه ايه
سيف : والدي عزمنا علي العشا النهارده روحي اجهزى علشان نروح بسرعه
امل : ماشي ونزلت امل من اوضه سيف وبعدين جهزت نفسها وراحت هي وسيف المطعم وقبل ما يدخلوا المطعم سيف مسك ايد امل فالوقت دا امل شالت ايدها بسرعه
سيف : يعني دا بزمتك منظر اتنين كان فرحهم امبارح هاتي ايدك خلينا نخلص وبعدين مسك ايدها ودخلوا المطعم
وبعدين امل وسيف سلموا علي اهل سيف وبعدين قعدوا
خالد : ياكبير اخيرا وصلت وبعدين بص لامل :

اسطى عب……… مدام امل انتي طبعا تقريبا متعرفيش الي موجودين دلوقتي الي انهم اهل سيف بس انا هعرفك بيهم واحد واحد وبدأ سيف يعرف امل عليهم
خالد وهو بشاور علي الست الي جمبه : دي بقي امي ست الحبايب اسمها ياستي منال وبعدين شاور علي راجل فالخمسينات من عمره : ودا يا ستي والدي محمد عز الدين
وبعدين شاور علي بنت صغيره عندها حوالي عشر سنين : ودي بقي اختي الوحيده واسمها اميره
وبعدين شاور علي راجل تاني شكله برضوا فالخمسينات من عمره : ودا ياستي عمي كامل عز الدين وبعدين شاور علي واحده :

ودي بقي سلمي كامل عز الدين
امل : تشرفنا
منال : قوللنا بقي يا امل انتي عندك كام سنه وبتدرسي ولا خلصتي
امل بابتسامه : انا عندي 24سنه وانا بدرس طب
سلمي ببرود : مش هتقوليلنا بقي اتعرفتوا علي بعض ازاى
امل سكتت شويه وبعدين قالت :

احب اقول بس فالاول اني كنت بدرس فمصر وماما وبابا مهجرين لفرنسا بس انا قعدم مع جدي وجدتي وجت هنا علشان البعثه اما انا اتعرفت بسيف ازاى فانا كنت فيوم بعدي الطريق وبعدين وانا بعدي سيف خبطني بعربيته بس انا محصليش حاجه الحمد لله بس سيف الصراحه اصر اني لازم اروح معاه المستشفي علشان يطمن عليا وبعدين بدأنا نتقابل بعد كده وحبينا بعض واتجوزنا بس دي الحكايه كلها
كامل عز الدين: اه يا سيف نسيت اقلك ان سلمي هتبدأ الشغل فالشركه عايزك ترسيها علي الشغل وتعلمها اصول المهنه
سيف: من عنيا الاتنين يا عمي وبعدين بص لسلمي وابتسم :

واحنا نطول ان سلمي تيجي وتشتغل عندنا
سلمي بابتسامه عريضه : مرسي
امل فالوقت دا حست بزعل جامد لان الابتسامه الي علي وش سيف اخدت منها يوم بحاله بتحاول تشوفها علي وشه ودلوقتي وبمجرد انوا اتكلم مع سلمي ابتسم علي طول
بس قدره تخبي الزعل بابتسامه وعدي اليوم دى علي خير
تاني يوم الصبح امل لبست علشان تروح الجامعه وبعد ما خرجت من اوضتها كان فالوقت دا سيف خارج من اوضته
سيف :

امل انا النهارده مش هقدر اخدك لاني هعدي علي سلمي اخدها لانوا اول يوم ليها وكده وانا اتصلت بخالد هو شويه وهيجي يخدك ماشي سلام بقي علشان اتاخرت وبعدين سبها ومشي
الابتسامه الي علي وش امل اختفت وبعدين قالت لنفسها: انا زعلانه من ايه وبعدين من امتي كان فارق معايا انوا يوصلني او لا ولسه وسمعت خالد بينده عليها
امل : جايه اهو وبعدين ركبت مع خالد ومشيوا وهما فالطريق
امل : قولي بقي يا سيدي ايه حكايه سلمي دي وليه حساها انها بتكرهني اوى
خالد :

يا ستي سلمي اكبر من بسنه (خالد :25 سنه) (سلمي : 26 سنه ) واصغر من سيف بسنتين ( سيف :28 سنه) اتخرجت السنه دي من كليه هندسه اما بالنسبلها هي وسيف فهما الاتنين متربين مع بعض وسلمي كان حبها الاول والاخير سيف كلنا كنا متوقعين انو لو سيف حصل وحب فيوم من الايام تبقي البنت دي اكيد سلمي
“اه صح انا نسيت اقلكوا ابطال القصه اشكالهم ازاي
(امل طويله شويه شعرها طويل عنيها بني بس وسعين بشرتها قمحاويه )
(سيف :

طويل جسمه رياضي بشرته قمحاويه عنيه عسلي وشعره اسود وقصير)(بس قمر)
(خالد :طويل وجسمه رياضي بشريته بيضاء وعنيه زرق وشعره اسود بس طويل شويه ) (قمر برضوا)
(سلمي : طويله وبشرتها بيضاء عنيها زرق وشعرها اصفر طويل ) (شبه عارضات الازياء )
نرجع بقي للقصه تاني
امل وقتها حست انها مديقه وخصوصا ان سيف راح يوصلها وكمان انها هتشتغل معاه فنفس الشركه كانت حاسه انوا سيف ممكن يحبها وبعدين رجعت لعقلها تاني وقالت فنفسها :

وانا مديقه ليه لو كان عايز يحبها يحبها دي حاجه ترجعله فالاخر وبعدين دا هيبقي فصلحك علي الاقل تخلصي من التمثيليه الي انتي بتمثليها دي

(رحلة حياتي ) ح14
بعدين خالد وصل امل علي الجامعه بتاعتها وسلم عليها وبعدين مشي فاليوم دا امل كان كل الي شاغل دماغها هو سيف وسلمي (هما دلوقتي بيعملوا ايه ،اكيد بيتكلموا فالشغل بس هما هيقعدوا اليوم كله بيتكلموا فالشغل اكيد زمانها دلوقتي بتقوله حلوه اوي البدله دي ليقه عليك اوى )
في الوقت دا سيف كان وصل عند الفيلا بتاعت عمه كانت فالوقت دا سلمي برا مستنياه وبعد ما سيف وقف بالعربيه بتاعته عندها سلمي ركبت ومشيوا علي الشركه
سلمي : صباح الخير يا سيف
سيف : صباح النور
سلمي :

علي فكره البدله الي انت لبسها حلوه اوى وليقه عليك علي فكره
سيف : شكرا
سلمى: قولي بقا يا سيف ايه موضوعك انت وامل يعني تتجوزا فجأه ومحدش عرف الي قبلها باسبوع علي اساس عملهلنا مفجأه يعني
سيف :يعني حاجه زى كده ولسه ووصلوا الشركه طبعا دي كانت حاجه كويسه لسيف لانوا اخيرا هيترحم من الاسئله الكتيره دي وفنفس الوقت مكنتش حاجه كويسه بالنسبه لسلمي لانها كانت عايزه تسأل سيف اسئله اكتر
وبعد ما امل خلصت محاضرتها وخرجت من الجامعه اتصلت بسيف
سيف :ايوه يا امل
امل :ايوه يا سيف انتةمجتش ليه تخدني انا خلصت محضراتي ومستتنياك
سيف :

معلش ياامل انا مشغول دلوقتي ومقدرش اجيلك اتصلي بخالد وخليه يجي يخدك ولسه وسمعت صوت سلمي بتقوله يلا يا سيف اتأخرنا فقلها ماشي دقيقه وجي وبعدين كمل مع امل :علي العموم انا لازم اقفل دلوقتي علشان اتأخرت سلام
امل (بغيظ ) : سلام وبعدين بدأت تكلم نفسها :

يعني هو لو جا يوصلني وبعدين رجع شغله تاني كان حصل ايه بس ازاى مدام سلمي معاه يبقي لازم ميجيش وبعدين راحت علي موقف الباصات ورجعت الفيلا وقعدت طول اليوم مستنياه ولما جت الساعه 11 بالليل سمعت صوت عربيه ففتحت الشباك كان سيف وصل بعربيته واول ما باب الفيلا اتفتح امل فتحت باب اوضتها وكانت عامله نفسها نايمه
امل وهي بتتوب : ايه ده انت جيت
سيف وهو طالع اوضته : ايوه
امل : طب انت مش هتتعشا
سيف :

لا انا اتعشيت انا وسلمي يلابقي تصبحي علي خير وبعدين طلع اوضته
امل دخلت اوضتها وهى متغاظه علي الاخر وبدات تكلم نفسها : يعني انا استنيه اليوم كله علشان نتعشي مع بعض وفالاخر ياكل مع استاذه سلمي
وبعدين سكتت شويه وقالت بعد كده : هو انا متغاظه اوى كده ليه معقوله ….،…. لامش معقول
ايه جو محمد فؤاد دا وبعدين اكيد لا طبعا وبعدين رقدت علي السرير بتحاول تنام مش عارفه
قعده بتفكر فسيف وبعدين قامت وقالت :طب انا بفكر فيه اوى كده ليه يبقي صح انا فعلا بحبه وبعدين رجعت لعقلها تاني :

لا يا امل انسي الموضوع دا خالص انتي عارفه انوا سيف عمره ما هيحبك ولو فكر انو يحب فيوم من الايام اكيد يعني مش هيحبك اتخمدي يا امل اتخمدي وبعدين نامت
والموضوع اخد اسبوع علي نفس الحال سيف يروح من غير ما يودي امل الجامعه ويرجع اخر الليل
وفيوم بعد ما امل رجعت من الجامعه (بالباص طبعا ) وقعدت مستنيه سيف وزى كل يوم سيف رجع الساعه 11 امل اول ما شفته رجع خرجت من اوضتها علشان تكلمه
امل : ازيك يا سيف
سيف وهو طالع اوضته : تمام الحمد لله
امل :

استنه يا سيف انا عاوزه اتكلم معاك فموضوع
سيف وهو نازل من السلالم ورايح عن امل : خير فيه حاجه
امل : انت عارف ان احنا بنمثل ان احنا متجوزين صح
سيف : ايوه طبعا ودي حاجه تتنسي
امل : يبقي مينفعش يا سيف انك كل يوم ترجع متاخر من الشغل والموضوع دا مبدأش غير لما سلمي بدأت تشتغل فالشركه
سيف : انا فعلا برجع من الشغل متاخر اليومين دول بس ده علشان بنحضر للمؤتمر الي هيتعمل الاسبوع الجي وبعدين ايه دخل سلمي فكل ده
امل وهي بتحاول تغير الموضوع :

انا كل الي بعمله دا علشان والدك يصدق ان احنا متجوزين
سيف : انا عارف انا بعمل ايه كويس اوى
امل وهي بتزعق : يعني كل دا علشان خايفه عليك
سيف بدأ يزعق : انا الي المفروض اخاف علي الموضوع دا اكتر منك بس دا مش الموضوع قوليلي ايه الموضوع بالظبط
امل بدأت توطى صوتها : كل الي انا عايزاه ان والد………….. سيف قاطعها وهو بيزعق : مش هو دا الموضوع وبدأ يزعق اكتر : ايه الموضوع يا امل
امل وهي بتزعق : انا بحبك

(رحله حياتي ) ح15
امل وهي بتزعق : انا بحبك
سيف انتنرفز وبعدين قلها وهو بيزعق : بس انا مبحبكيش وانت عارفه ان الي بنعمله دا كله تمثيل
امل الدموع ملت الدموع عنيها وبعدين سابته ودخلت اوضتها واول ما قفلت باب اوضتها بدأت تبكي من غير صوت خايفه ان سيف يسمعها
فالوقت دا سيف طلع اوضته واول ما قفل الباب اتسند عليه وبعدين حط ايده علي قلبه
سيف :

وهي لبه بيدق بسرعه اوى كده يعني امل مش بس كمان هتجبلي الضغط لا وكمان سكته قلبيه وبعدين رقد علي السرير بيحاول ينام وكل ما يغمض عنيه (انا بحبك ) يرجع يسمعها تاني كانها اتسجلت فعقله (او بمعني اصح اتسجلت فقلبه ) وكل ما يسمعها قلبه يدق تاني بسرعه وفضل علي الحال دا طول اللبل معرفش ينام
ولما طلع الصبح لبس سيف بسرعه ونزل كانت امل لسه مخرجتش من اوضتها كان سيف مقرر فالوقت دا انوا يكلمها مكنش عارف هيقول ايه وقتها بس هو الي كان عارفه انوا امبارح زودها معاها شويه فالوقت دا كانت امل بتلبس وهي حزينه معرفتش

تنام طول الليل مكنتش عارفه ازاى كلمه (بحبك ) قدرت تخرج من بوقها وبعدا ما خلصت وقفت قدام المرايه وقالت فنفسها
امل :ابتسمي يا امل وبعدين بدأت تبتسم ابتسامه صغيره وبعدين قالت تاني :لا ابتسمي اكتر وبدأت تبتسم طبعا كانت ابتسامه مصطنعه بس كان احسن انها تبان زعلانه قدام سيف فالوقت دا سيف كان قدام باب اوضه امل كل شويه يحط ايده علي الباب علشان يخبط وبعدين يشيل ايده وبعدين فالاخر قرر انو يخبط ولسه مادد ايده ولسه هبخط ولقي امل فتحت باب اوضتها سيف اول ماشاف كده راح خطوتين ورا وبعدما امل فتحت الباب امل اول ما سافته

امل بابتسامه مصطنعه : صباح الخير ياسيف
سيف باستغراب : صباح النور
امل : انا ماشيه دلوقتي ماشي انا اتصلت بخالد وزمانه وصل يلا بقي سلام وبعدين مسيت
سيف قبل ما تمشي : استني يا امل كنت عايزه اكلمك فحاجه
امل رجعت تاني وبعدين قلتله: فيه حاجه ياسيف
سيف بارتباك : بخصوص امبارح
امل قطعته :قصدك لما قلتلك اني بحبك وبعدين ابتسمت وقالت : منتا عرفني ياسيف ان دماغي لسعه يعني ممكن يومين والتاني واجي اقلك اني بحب خالد مثلا وبعدين سمعت صوت خالد بينده
امل :

مش قولتلك زمانه وصل يلا سلام وبعدين سابته ومشيت
سيف فالوقت اخد مفتاح عربيته وبعدين راح الشركه وفالطريق كان قاعد بيفكر فكلام امل وبعدين يقول فنفسه :كده احسن وبعدين هي عارفه اني عمرى ما هحبها وبعدين قالي بس معقوله تحب خالد وبعدين رجع لعقله تاني وقال: دي حاجه متخصنيش وبعدين راح علي الشركه بتاعته
فالوقت دا كانت امل فعربيه امل وكغير العادي كانت قاعده وهي حزينه ومش بتتكلم
خالد: مالك يابت سكته ومكشره كده ليه
امل :ولا حاجه بس علشان معرفتش انام امبارح كويس
خالد:

ليه مين الي واخد عقلك يا خلبوصه اكيد اناصح
امل بدأت تضحك
خالد : يبقي انا وبعدين قلها بتحبيني اهدي (بطريقه عادل امام )
امل وهي بتضحك : طب بطل كلامي وبص قدامك لنلبس فحيطه ولا حاجه
خالد :

ماشي انت تأمر يا جميل
اليوم دا كان يوم طويل بالنسبه لامل وسيف امل زعلانه وبتفكر انها ازاى كانت مغفله لما قالت لسيف انها بتحبه
وسيف مكنش قادر يطلع الكلمه الي امل قلتهاله امبارح من دماغه (انا بحبك ) وبعدما سيف خلص الشغل (كان وقتها لسه الوقت العصر )
ركب عربيته ولسه هيدورها لقي سلمي بتنده عليه
سلمي : سيف انت ماشي
سيف : ايوه انا خلصت انهارده شغل وراجع البيت
سلمي : طب وصلني معاك
سيف:

طب يلا اركبي وبعدين مشيوا سلمي كانت بتتكلم كتير بس سيف مسمعش ولا كلمه من الي سلمي قلتها
سلمي: سيف انت سامعني
سيف: معلش يا سلمي اصلي كنت بفكر فالشغل فمخدتش بالي وبعدين كمل كﻻمه
سيف: سلمي انا كنت عايو اسئلك سؤال
سلمي : اتفضل
سيف : هو ينفع ان حد يحب حد وبعد يومين يحب حد تاني (رحلة حياتي ) ح16
سلمي بصت لسيف مستغربه انوا بيسألها عن حاجه زى كده
سيف: فيه ايه
سلمي : لا بس غريبه اصل انته عمرك ماسألتني حاجه زى كده
سيف : خلاص انسي الموضوع
سلمي وهى بتضحك :

بص انا مش عارفه بالظبط بس اعتقد انوا لو حد بيحب حد بجد عمره ما هيحب حد بعده وحتي لو حصل اكيد مش بالسرعه دي يعني مش بعد يومين
اما لوحصل وحب حد تاني بعد يومين يبقي دا مسموش حب يمكن يكون اعجاب بس حب معتقدش
وبعدين بصتله وقلتله :بس انت بتسأل ليه هو انت زعلان مع امل او حاجه
سيف بتوتر : لا ابدا وبعدين بدأ يغير الموضوع : قوليلي انتي اخبار الشغل معاكي ايه
سلمي :

لا تمام بتعلم كل يوم حاجه جديد بس كله تمام
سيف وصل سلمي الفيلا بتاعتها وهو فالطريق للفيلا بتاعته بدأ يعاتب نفسه : هو انا بفكر كتير فيها اوى كده كل ده علسان قلتلي بحبك منا الموضوع دا مكنش بيفرق معايا خالص ايه الي جد وبعدين حاول يبرر لنفسه :

اكيد كل ده من ضغط الشغل
سيف وصل الفيلا ركن عربيته ودخل الفيلا وبعدين طلب من واحده من الخدم انها تحضر له الغدا علشان مكنش اكل وبعدين سالها عن امل قلتله انها لسه مجتش
بص سيف فالساعه كان الوقت متأخر المفروض تكون فالبيت دلوقتي وبدأ يكلم نفسه
سيف: ليه اتأخرت لغايه دلوقتي وبعدين خرج التلفون من جيبه وبدأ يرن عليه مش بترد
سيف : معقوله تكون مع خالد طب ليه مش بترد وكان هيتصل بخالد بس قبل مايتصل قفل تلفونه وقال :

وقت ما تيجي تيجي
قعد علي السفره وعينه علي الباب مستني الباب يفتح وامل تدخل زى كل يوم
واول ما الباب اتفتح وامل دخلت سيف فالوقت دا قلبه بدأ يدق بسرعه وحس بفرحه رهيبه لمجرد ان شاف امل
سيف : انتي جيتي
امل وهى دخله عل اوضتها : ايوه
سيف : مش هتتغدي
امل : مش جعانه وبعدين دخلت اوضتها
الفرحه الي كان حاسس بيها اختفت
سيف :

هي اتاخرت ليه دا السؤال الي كان نفسه يأسأله لامل اول ما جت ودا كان نفس السؤال الي فضل يشغل دماغه
ولما جت الساعه 8 بالليل سيف كان قاعد علي اللاب بتاعه فالدور الارضي قريب من اوضه امل كان بيحاول يخرج امل من تفكيره بأنه يشتغل وفنفس الوقت قعد قريب من اوضه امل علشان لو خرجت يقدر يسألها هي اتأخرت ليه
كان بيبص علي اوضه امل اكتر ما كان بيبص في اللاب بتاعه
ولسه وبيبص كانت امل بتفتح باب اوضتها وجايه عنده فالوقت دا حاول يبين انوا مشغول ومش واخد باله منها وكل ما امل تقرب كل ما

قلبه بيبدأ يدق اسرع
امل : سيف ممكن اتكلم معاك فموضوع
سيف وهو بيقفل فاللاب بتاعه وبيبصلها : اتفضلي قولي
امل : انت عارف يا سيف اني راجعه السكن بعد حوالي اسبوعين فبسألك يعني انو والدك هيرجع تاني مصر امتي
سيف وقتها افتكر انوا فعلا امل بعد اسبوعين ماشيه من هنا: هو فعلا راح مصر بس هو هيجي الاسبوع الجي علشان المؤتمر الي هنعمله الاسبوع الجي وهيروح تاني مش امل :طيب كويس وبعدين سابتوا ودخلت اوضتها
سيف وهو بكلم نفسه :

هى معقوله هتمشي بعد اسبوعين واخد يفكر فالموضوع دا لغايه لما نام
……………………………………………………………قبل المؤتمر بيومين …………………………………………………………………..

طول الخمس ايام الي فاتت امل بتحاول تبعد عن سيف ومتشوفوش وسيف طول الخمس ايام دول بيحاول يخرج امل من تفكيره مش عارف حتي فكره انها تمشي بيحاول ميفكرش فيها عدت الايام الخمسه امل تروح الجامعه قبل ما سيف يروح الشغل وترجع بعده وتدخل اوضتها وتنام
اليوم دا كان يوم اجازه لامل من الجامعه امل فاليوم دا فضلت فأوضتها تذاكر لان معندهاش اى حاجه تعملها
فاليوم دا كان سيف راح الشغل من بدرى لان المؤتمر هيكون بعج يومين ولازم كل حاجه تبقي جاهزه
امل وهي فأوضتها خالد اتصل بيها
خالد : انت في الفيلا
امل :

طب حتي سلم اي حاجه
خالد : يابت اخلصى انتي فالفيلا ولا لا
امل : يعني هكون فين يعني فالفيلا طبعا ولسه وسمعت صوت عربيه بتبص لقتها عربيه خالد
خالد : طب يلا افتحي الباب
امل خرجت من اوضتها وبعدين فتحت الباب
امل : هممممممم فيه ايه
خالد : ايه الي فيه ايه جيت اشوف حبيبتي
امل بصت يمين وشمال وبعدين قلتله :حببتك مين بقي
خالد : انتي مش انتي كنتي من كام يوم مش عارفه تنامي وبتفكرى فيا
امل : يا سلام وبعدين قلتله :

لا بجد فيه ايه
خالد : اولا النهارده عيد ميلادي ثانيا انا جيت هنا علشان اخدك معايا
امل : اولا كل سنه وانت طيب ثانيا هنروح فين
خالد: مفيش مكان محدد بس يلا اجهزى ومش عايز اسمع اي اعذار لان النهارده عيد ميلادي ولازم مترفضليش طلب

(رحلة حياتي ) ح17
امل : طب انا داخله علشان اجهز علشان نمشي
خالد : واتصلي بسيف علشان تقوليله علشان لو اتأخرنا ولا حاجه
امل دخلت اوضتها وخرجت احلي طقم عندها لبسته وبعدين حبكت شعرها لانوا هيكون احلي وهو محبوك مع الطقم وبعد ما خلصت خرجت لخالد
خالد : ايه القمر دا لالالا انتي تتصلي بوالدك تحجزيلي معاه معاد
امل :بطل بقي ويلا علشان نمشي
خالد : اتصلتي بسيف
امل :

تصدق نسيت وبعدين خرجت التلفوت من الشنطه بتاعتها ورنت علي سيف
سيف فالوقت دا كان قاعد مع الموظفين بيشيكوا علي كل حاجه قبل المؤتمر
ولسه وتلفون سيف رن بيص سيف لقاها امل كالعاده بدأ قلب سيف يدق لمجرد انوا شاف اسمها
سيف استاذن من الموظفين وبعدين خرج من المكتب
امل : سيف ازيك
سيف : انا الحمد لله فيه حاجه
امل : اه انا كنت عايزه اقولك اني خارجه دلوقتي مع خالد وممكن نتأخر شويه علشان لو جيت وملقتنيش
سيف فالوقت دا حس بغيظ جامد او بمعني اخر (غيره ):

هتروحوا فين
امل : عادي مفيش مكان محدد يلا بقي سلام
سيف بسرعه : استني متروحيش انا جي دلوقتي فيه موضوع عايزك فيه ضرورى
امل : خلاص اجل الموضوع دا لبعدين
سيف :بقولك ضرورى وبعدين انا ربع ساعه واكون عندك سلام وبعدين قفل
امل وهي بتكلم نفسها : هيكون موضوع ايه
خالد :يلا
امل : لا استني
خالد : فيه ايه
امل : سيف جيه عايزني فموضوع ضرورى
بعد ما سيف خلص المكالمه
دخل المكتب ونده علي سلمي وبعدين خرجت معاه بره المكتب
سلمي :

فيه حاجه يا سيف
سيف : انتي مش كنتي من كام يوم عيزانا نخرج نتفسح شويه زى زمان
سلمي: ايوه
سيف :

طب يلا علشان نروح
سلمي وهي مبتسمه:بجد طب دقيقه وهجيب شنطتي واجي سلمي كانت هتموت من الفرح لانها اخيرا هتخرج مع سيف (حب حياتها ) لوحدهم وبعد ما سلمي جت سيف اخدها ومشيوا
امل وخالد فالوقت دا كانوا واقفين عند العربيه مستنين سيف علشان يجي ولسه ولقوا عربيه سيف جيه وبعدين وقفت وسيف وسلمي خرجوا منها
سلمي اول ما شافت امل الابتسامه الي علي وشها راحت
وسيف اول ماشاف امل وازاى انها حلوه اوى النهارده بدأ يغير اكتر
سيف : يلا بينا
امل :

يلا بينا فين انتوا مش كنت عايزني فحاجه مهمه
سيف : لا بس انا قلت كده علشان تستنونا
خالد : اربعه احسن من اتنين برضوا علي العموم يلا اركبوا
كلهم ركبوا عربيه خالد فالاول امل كانت عايز تركب قدام مع خالد بس سيف شد ايدها وقلها : يعني ازاى يا حبيبتي تركبي قدام مع خالد وجوزك حبيبك قاعد مكنش قدام امل حل تاني غير انها تركب مع سيف ورا وسلمي ركبت مع خالد قدام وبعدين خالد شغل العربيه ومشيوا وهما فالطريق
سيف ببرود : ليه قررتوا انكم تخرجوا النهارده
خالد :

مهو النهارده عيد ميلادي فلما ملقتش حد فاكر قلت اخرج مع امل نتفسح شويه
سلمي : كل سنه وانت طيب
سيف : كل سنه وانت طيب يا خالد
خالد : وانتوا طيبين يا جماعه
سلمي : وانت وامل اصحاب من امتي
خالد : من حوالي تلت شهور كده المهم يا جماعه تحبوا نروح فين الاول
امل : خلينا نروح السنيما
خالد : يبقي يلا بينا علي السنيما
قضوا اليوم من السينيما للمتحف وفي الاخر راحوا علشان يتعشوا
طلبوا الاكل وبعد ما اكلو
خالد :

انا شبعت علي الاخر
امل :وانا كمان
سيف : يلا بينا مش هنمشي
خالد : استنوا يا جماعه لسه القعده فاولها
سلمي: هنعمل ايه تاني هنا محنا اكلنا
خالد : تعالوا نلعب لعبه الصراحه
امل : بس مش لازم تكون فيه ازازه علشان نلفها نجيب منين الازازه
خالد : بس كده وراح نده للجرسون ياخد الاطباق ويجيب ازازه مشروب وتكون فاضيه
وبعد ما الجرسون اخد الاطباق وجاب الازازه
خالد :

وادي الازازه يا ستي يلا نبدأ بقي هلف الازازه والي تقف عليه لازم حد فينا يسأله سؤال ولازم يجوبه بصراحه وبعدين لف الازازه فوقفت عند خالد
خالد : شكل الي بنعمله فالناس هيطلع علينا ولا ايه ما علينا يلا الي عايز يسألني يسألني وانا هجاوب
امل : انا هسألك قولي بقي انت بتحب حد دلوقتي
خالد ابتسم وبعدين قال :ايوه بس لسه مقولتلهاش اني بحبها بس مش هقول هي مين
سيف فالوقت دا كان هيمو,,ت علشان يعرف البنت دي مين لانوا خايف لتكون امل
امل : سيدي يا سيدى
خالد :

يلا نبدأ تاني ولف الازازه المره دي الازازه وقفت عند امل
سلمي : انا الي هسأل وبعدين قالت من بين قصص الحب الي عشتيها ايه اطول قصه حب عشتيها
امل وهى بتضحك : قصص حب ………. انا قصه الحب الوحيده الي عشتها طبعا قبل ما اتجوز سيف كنت بحب ابن عمي بس هو كان حب من طرف واحد
سيف فالوقت كان فيه نار قيده جواه لان مش بس امل بتتكلم عن واحد تاني قدامه لا وكمان بتقول انها كانت بتحبه
خالد : اسمه ايه بقي قصدي بن عمك
امل : عمرو

الحلقه (18) سيف فالوقت دا كان صبره نفد
سيف بغيظ : يلا بقي يا جماعه علشان الوقت اتأخر وانا وسلمي عندنا شغل بكره
سلمى : عندك حق ياسيف
امل : يعني احنا الي هنقضيها نوم محنا برضوا عندنا جامعه بكره
خالد : مع انها لسه الساعه 10 بس مادام مصرين يبقي يلا وبعدين خرجوا خالد وصل سلمي الفيلا بتاعتها وبعدين وصل امل وسيف
خالد بعد ما امل خرحت من العربيه: ها اجي اخدك انتي الصبح
امل : زى كل يوم
خالد : قشطه ماشي تصبحوا علي خير
امل :

وانا من اهلوا
سيف فالوقت دا كان متعصب علي الاخر واول ما خالد مشي سيف مسك تمل من دراعها وبعدين دخلوا الفيلا
امل بعد ما شالت دراعها من ايدو : انت مجنون ياسيف ايه الي حصل
سيف بنرفزه : انتي ازاى تقولي لسلمي الكلام الي قولتيه ده
امل : كلام ايه وبعدين افتكرت : قصدك لما سألتني
سيف رد بسرعه وبعصبيه برضوا : ازاى تقوليلها ان انتي بتحبي ابن عمك ده انتي نسيتي ان احنا متجوزين فنظرها وبسبب كلامك التافه دا سلمي ممكت تشك فحاجه
امل بعصبيه :

انا قلتلها انى كنت بحب ابن عمي ودا قبل ما اتجوزك معتقدش ان دا كلام يزعل وبعدين انت الي بقت غربيه يعني كنت هخرج انا وخالد النهارده وفجأه لقيتك جيت انت وسلمي علشان تروحوا معانا انا لو مكنتش عرفاك كويس كنت قلت انك بتغير
سيف وهو متوتر : ابه الي انتي بتقوليه دا وبعدين اسمعي
امل قاطعته:

انا مش عايزه اسمع حاجه انا مصدعه ودخله انام وبعدين سابته ودخلت اوضتها
سيف فالوقت دا كان متنرفز برضوا وطلع اوضته ونام
تاني يوم الصبح زى كل يوم امل وسيف امل وسيف لبسوا سيف راح الشغل وامل كانت مستنيه خالد وبعد ما خالد وصل امل ركبت معاه ومشيوا
امل بدأت تبص لخالد وتضحك
خالد لاحظ الموضوع ده : بتضحكي ليه
امل وهى مبتسمه : اسمها ايه
خالد : مبن
امل :الي انت بتحبها مش انت قولت امبارح انك بتحب واحده مين هي بقا
خالد بص لامل بجديه وبعدين قلها:

البنت دي هي انتي انا بحبك
امل كانت مصنمه مش عارفه تقول ايه
خالد بدأ يضحك جامد وبعدين قلها: دخلت عليكي صح
امل ضربته علي كتفه وبعدين قلتله : قولي بقا بجد هي مين
خالد : ياستي دي واحده عندنا فالجامعه هي مصريه زى واسمها حنين
امل :ها وهتقلها انك بتحبها امتي
خالد : مينفعش اقولها اني بحبها لانها مخطوبه شوفتي الوكسه الي اتا فيها
امل وهي بتحاول تخفف عنه : ولا يهمك بكره تلاقي الي احسن منها وبعدين لو يأست خالص انا موجوده هتجوزك بقي وامرى لله
خالد :

وانتي تطولي يابتي دول البنات هيمو,,توا علشان بس اعبرهم بس هي النفس بقا ولسه ووصلوا الجامعه
امل : ماشي يا عم اسيبك انا بقي
خالد :سلام
سيف فالوقت دا كان وصل الشركه كان لسه متعصب بس كان قدامه شغل كتير لات المؤتمر هيكون بكره
وبعد يوم شغل طويل كانت الساعه 9بالليل سيف وصل علي الفيلا
امل كانت قعده علي السفره وبتاكل سيف امل ما شفها مسلمش طلع غير هدومه ونزل قعد علي السفره وبدأ ياكل من غير كلام
ولسه والباب خبط واحده من الخدم فتحت الباب
سيف : بابا
احمد عز الدين :

ياسيدي انا قلت اجي اقعد عند ابني النهارده
سيف : اتفضل يابابا
احمد عز الدين بعد ما قعد معاهم : ازيك يا امل عامله ايه
امل بابتسامه : انا الحمد لله انت اخبارك ايه ياعمو
احمد عز الدين :الحمد لله
وبدأو يكلوا وبعد ما خلصوا اكل
احمد عز الدين : السفر دا تعب
سيف : خلاص يابابا اوضتك لسه زى ما هي تقدر تروح تنام فيها وانا برضوا تعبان ورايح انام
احمد عز الدين : خلاص اطلعوا اتتوا ناموا فأوضتكم وانا شويه وهنام
امل وسيف فنفس واحد : اوضتنا

(رحله حياتي) ح19
احمد عز الدين : ايوه اوضتكم انتوا مش متجوزين ولا ايه
سيف : ايوه طبعا يابابا وبعدين مسك ايد امل
سيف : يلا يا حبيبتي نطلع اوضتنا وبدأ يمشي وهو ماسك اديها وامل بتمشي بالعافيه وبعد ما دخلوا اوضتهم
امل بنرفزه : انت ايه الي عملتو دا وبعدين ازاى انا وانت ننام فاوضه واحده
سيف :والله لو عندك حل تاني قوليهولي
امل : طب وهنعمل ايه دلوقتي
سيف : انا هنام علي الكنبه دي وانتي نامي علي السرير
امل :

بس
سيف قطاعها :يعني عايزه تنامي علي الكنبه وانا انام علي السرير انا معنديش مانع علي فكره
امل : لا مش كده
سيف : يبقي تنامي وانتي ساكته
وبعدين امل راحت نامت علي السرير
سيف حاول ينام علي الكنبه بس مش عارفه كل شويه يتقلب وفالاخر قام من علي الكنبه ولسه بيبص لامل لقاها فسابع نومه
سيف بابتسامه :

يعني نمتي وكأن مفيش حاجه حصلت
سيف قرب من السرير عندها لغايه لما قدر يشوف وشها بوضوع (الدنيا كانت ضلمه شويه ) بدأ يبصلها جامد
سيف وهو حاطط ايده علي قلبه :ياريتك ما دخلتي حياتي كانت كل حاجه قبل كده معمول حسايبها بس اول ما جيتي كل حاجه اتلخبطت انا عمرى ما اتعلق بحد فحياتي وخايف اتعلق بيكي وخايف اكتر اكون فعلا اتعلقت بيكي
وبعدين حط ايده علي شعرها وبدأ يبصلها نفسوا الصبح ميجيش ويفضل بصصلها كده علي طول بيحاول يحفظ ملامح وشها
سيف بعدين رجع لعقله :

ايه الي انا بعمله دا انا شكلي اتجننت وبعدين شال ايده من علي شعرها ورجع علي الكنبه وبعد شويه نام
الصبح طلع سيف قام بدرى علشان المؤتمر كان فاليوم دا امل كانت لسه نايمه سيف لبس وجهز نفسه وبعدين وقف قدام المرايه بيلبس الجرفته ولسه وامل قامت من النوم
سيف اول ما لقاها بتتوب ابتسم اول ما امل بصتله عمل نفسو مش واخد بالو ورجع يكشر تاني
امل وهى بتتوب :صباح الخير
سبف ببرود(كالعاده ):صباح النور
امل : معرفتش انام كويس امبارح الواحد برضوا برضوا لما يغير السرير بتاعو مبيعرفش ينام خالص
سيف بصلها بستهزاء:

لا مهو باين
سيف : يلا انزلي اوضتك ولو بابا سألك قوليلوا انك رايحه الجامعه
امل : بس انا النهارده اجازه من الجامعه
سيف :يبقي خليكي قعده لغايه لما امشي انا وبابا وبعدين ارجعي اوضتك تاني سلام
امل :سلام
سيف نزل من اوضه كان باباه قاعد علي السفره مستنيه لما يجي
احمد عز الدين :امال فين امل ياسيف
سيف : اصل النهارده معندهاش جامعه وحولت اصحيها مش راضيه تقوم
احمد عز الدين :

طب يلا علشان نفطر ونلحق نروح الشركه
سيف قعد علي السفره وبدا ياكل هو وابوه وبعد ما خلصوا كل واحد اخد عربيتوا وراحوا الشركه
رغم ان المؤتمر كان طويل شويه الي انوا كان ناجح بعد ما خلص المؤتمر احمد عز الدين ودع ابنه ورجع مصر تاني وسيف بعد ما ودع ابوه رجع الفيلا تاني
امل فالوقت دا كانت قعده بتذاكر واول ما سمعت صوت عربيه سيف خرجت من اوضتها
امل اول ما شافت سيف :امال فين باباك
سيف:رجع مصر تاني
امل : واخبار المؤتمر ايه
سيف :

كان تمام كل حاجه مشيت زى منا كنت عايز
امل :وانا عندي ليك اخبار وعارفه انها اكيد هتفرحك
سيف :اخبار ايه
امل : انا اتصلت برئيسه البعثه وقلتله علي موضوع السكن وكده وقلي اني اقدر اجي من بكره
سيف وهو متفاجأ: بجد (رحلة حياتي )ح20
سيف : بجد
امل بأبتسامه: ايوه ابسط يا عم هسبلك المكان انا هروح بقي رايحه احضر الشنطه
وبعدين دخلت اوضتها واول ما دخلت اوضتها الابتسامه الي كانت علي وشها اختفت وبعدين بدأتتكلم نفسها :

اكيد هتكون مبسوط لاني ماشيه بس انا مش مبسوطه لاني همشي ومش هشوفك تاني
بس لازم امشي ……..هتوحشني
سيف فالوقت دا كان متفاجأ علي زعلان مش قادر يصدق الي سمعه
وبعدبن بدأ يكلم نفسه :تمشي بالسرعه دي هي مش قعده هنا ليه تمشي طب لو مشيت مش هشوفها تاني
عدت الليله
كانت اطول ليله بالنسبه لامل وسيف
كل منهم مش عاوز يسيب التاني وفنفس الوقت محدش عارف يقول للتاني
تاني يوم الصبح امل لبست وجهزت الشنطه بتعتها وبتبص فالتلفون بتاعها علشان تتصل برئيس البعثه لقيته فاصل شحن حطته فشنطتها وخرجت سألت علي سيف علشان

تسلم عليه
قبل ما تمشي بس الخدامه قلتلها انوا راح الشغل
امل وقتها بدأت تعيط لانها وقتها حست انها بجد ولا حاجه بالنسبه لسيف واخدت شنطتها وخرجت
فالوقت دا كان سيف برا مستنيها علي اساس يوديها الجامعه زى كل يوم ولسه وشافها جايه ومعاه الشنطه واول ماشاف الشنطه فايدها خرج من العربيه وبعدين سألها: الشنطه دي بتاعت ايه
امل: بس خدها متي وحطها فالعربيه الاول اخد الشنطه منها وحطها فشنطه العربيه وبعدين ركبوا هما الاتنين
خالد: ها قوليلي الشنطه دي بتاعت ايه
امل :

ولا حاجه هرجع السكن تاني انت عارفه ال5 شهور خلصو
خالد : ايه دا بجد يعني مش هشوفك تاني
امل : هو انا لو مش هشوفك هشوف مين بس
خالد : اصيل ياسطي عبدوا
امل : طب وديني السكن بقا مش الجامعه
خالد: من عنيا الاتنين
ولسه ووصلوا السكن خالد خرج من العربيه وخرج الشنطه من شنطه العربيه وكان عايز يدخل معاها يوصلها لباب السكن