-ماشي ياحبيتي روحي
ساره خرجت راحت ؤضتها وسليم غير هدومو
وحاول ينام بس مكنش عارف ينام ومنظر ساره
كان مش مفارقو خالص
سليم قام وراح ؤضه ساره
=صاحيه
-امم
=لسه زعلانه مني
ساره ودت وشها الناحيه التانيه بعيد عن سليم وقالت
-لا مش زعلانه
سليم قرب من ساره ومسك وشها بإيدو ووجهو ناحيتو
-بس انا زعلان وجدا كمان انا اسف ياساره
=انت شكيت في اخلاقي ياسليم
انت تعرف لو عمي سمع الكلام ده من غير
مايسمعني حتي
-ساره محدش يقدر يقرب منك طول ماانا عايش
انتي حته مني ومستحيل اسيبك أبدا
=اوعدني تثق فيا ياسليم ومتعملش كده تاني
متخوفنيش منك
-عمري مهعمل كده تاني انا خلاص اتعلمت
وخدت درس اني اثق فيكي
ساره قربت وخضنت سليم جامد. اول مره
هي ال تقرب منو
سليم ضمها ليه جامد وقرب رأسه من عنقها
وبدأ يقبل عنقها بكل حد ورقه
سليم بهمس/ انا آسف انا مقدرتش اشوفك
بتعيطي كده
ساره بصت لسليم بحب وقالت
= حصل خير ياسليم انا خلاص مش زعلانه منك
ويلا بقه علشان عندك شغل الصبح
– ماشي يلا
ساره راحت ناحيه السرير ولقت سليم
بيقفل النور ورايح هو كمان ناحيه السرير
=انت بتعمل ايه
-سليم من غير اي كلام نام علي السرير وشد ساره خدها
في حضنو
=اي ياسليم روح نام في ؤضتك عيب كده انت عايزهم
يقولو علينا ايه
-انتي مراتي ومحدش يقدر يتكلم نص كلمه نامي
وانتي ساكته بقه
= بس ياسليم
سليم حضنها اكتر وقالها
-مفيش بس نامي بقه وسبيني نايم جنبك
انا مبقتش اعرف انام من غيرك
=ليه ياعني
-علشان بحبك نامي بقه
ساره سمعت الكلمه دي من سليم واتصدمت واتفاجأت
ومعرفتش ترد خالص علي كلام سليم فسكتت ونامت
*****************************
في بيت نعمان القناوي
=ياعني مقالتش مين دي
-لا مقالتش مين ياسيدي ومستنيه جنابك تحت
=ماشي روحي انتي وانا هنزل اشوف عايزه ايه
دي
نعمان نزل بهيبته المعروفه ودخل ؤضه المكتب
بتاعو وشاف ست جميله في منتصف الاربعينات
=مين حضرتك
اول مالفت واديتو وشها نعمان اتصدم
-انا كاميليا انت نستني ولا ايه ياعمي
=إنساكي ازااي وخير عايزه ايه
-عايزه بنتي نفسي اشوفها حرام عليك
نعمان قام وقف بغضب وقال
=انتي ملكيش بنات عندنا وحسك عينك تيجي هنا
تاني انتي فاهمه ولا لأ
-انا لازم اشوف بنتي انت منعني اشوفها من سنين
اكيد بنتي عايزاني هي كمان
=ريحي نفسك بنتك مفكره انك موتي من زمان
موتي في الحدثه مع سليم ومرضتش اقولها
انك سبتينا بكيفك ومشيتي رجعتي بلدك
جايه ليه تاني بقه
-انا جتلك كذا مره وانت مرضتش تخليني اشوفها
وانا المره دي مش همشي غير لما اشوف بنتي
= قولتلك اطلعي بره ملكيش بنات عندنا انتي
ال سبتيها ومشيتي كونتي هتعيشي هنا معاها
معززه مكرمه بس انتي ال مقدرتيش وهربتي
-طيب اشوفها من بعيد بس حرام عليك
= قولتلك بنتك مش هنا وانا هنادي الغفر يرموكي بره
لو مخرجتيش……
********************
استووووب علي كده
