الحلقة ١١ : معرفش بقي اتصرفي ، انا ماشي . : خلاص امشي براحتك وانا لما اتمسك هحكيلهم علي كل حاجة بالظبط . : يعني ايه ؟ : يعني تساعدني نتخلص من الجثتين مع بعض . : ازاي ؟؟ : نقعد ونفكر نتخلص منهم ازاي ونرجع بعدها نمحي كل اثار الجريمة ونعيش حياتنا بصورة طبيعية . : طيب عندك فكرة نتخلص بيها من الجثتين ؟ وهنا سمعت صوت مدحت وكان لسه مش ما*ت وبيقولي : بتخونيني وبتق*لبني كمان يا مجرمة ؟ !
: انا عمري ما خونتك قبل كده انت اللي خونتني الاول وكان لازم احرق قلبك زي ما حرقت قلبي . : وبتساعدي عشيقك يق*لني ويتخلص من جثتي كمان ؟!! : ايوه علشان خاين . : علفكرة هبة هي اللي كانت بتبعلك الصور والفيديو ، والصور دي قديمة . كانت مصوراها لنا احنا الاتنين علشان تقدر ترجعني لها وقت اللزوم . : واهي دي اخرتكوا انتو الاتنين وانتو الاتنين هتمو*تو في يوم واحد .
: عارفة بعتتهم لكي ليه ؟ علشان انا لما وعدتك اني مش هخونك تاني بعدت عنها وكانت عاوزة ترجعني ليها تاني فعملت كده علشان تبعدك عني وارجعلها . : كداب ، وحتي لو كلامك صح فانت اهو رجعت خونتني تاني معاها النهارده . : غصب عني يا ولاء ، هبة بدأت تبتزني بالفيديو والصور وانا كنت خلاص قررت اني عمري ما هخونك تاني بس غصب عني . : كداب . : لأ مش كداب ، انا حبيتك وعمري ما حبيت غيرك .
علاء اخد السكينة ونزل علي مدحت ضر*ب بها كتير لحد ما اتأكد انه ما*ت . ساعتها صرخت وقولت لعلاء : ليه ؟ ليه ؟ كنت سيبه يعيش . حسيت وقتها بالندم وحسيت اني ضيعت نفسي وضيعت جوزي اللي بيحبني علي غلطة كنت ممكن اسامحه عليها ونكمل حياتنا !! وضيعت بناتي اللي هيتربوا ايتام اب وام !!! يا ريتني ما كنت سلمت للشيطان !! قعدت ابكي وانا حاسة ان كل حاجة راحت !!! علاء قالي : مفيش وقت للبكا والحاجات دي ، لازم نشوف هنتخلص من جثثهم ازاي وألا هيكون مصيرنا حبل المشنقة !!
: هنعمل ايه يا شيطان ؟ : انا اللي شيطان دلوقتي ؟!! : ايوه اومال انا !! : ايوه انتي اللي شيطانة وكنتي عاوزة تنتقمي من جوزك عن طريقي ، وانا كنت شارب ومش في وعيي . : ده المرة الاولي ، وبعد كده كنت انا السبب بردو ؟؟ : ايوه انتي السبب لأني اتعلقت بيكي بعدها . : وانا قولتلك كتير ابعد عني خليك مع حلالك وانت صممت !! : علشان حسيت معاكي باحاسيس عمري ما حسيتها قبل كده .
: واخرتها ايه يا علاء ؟ ضيعنا نفسنا و بقينا مجرمين وهنروح في داهية . : لأ ، هنفكر بالراحة وهنطلع منها زي الشعرة من العجين . : ياريت . هنعمل ايه ؟ : انا هنزل بجثثهم واحطهم في العربية وارميهم في الصحرا وانتي تنضفي كل اثار الدم والبصمات من الشقة كلها . : وانا موافقة . : خلي بالك ان انا كده هاخد المخاطرة كلها لوحدي . : انا كده كده معاك في الجريمة يعني لو انت اتمسكت هتاخدني معاك .
: ايوه بس انتي علي الاقل عندك فرصة تهربي . : مش هعرف اهرب ، ربنا يسر . علاء فضل قاعد في الشقة لغاية بالليل وهند قلقت عليه واتصلت به وسألته عن سبب تأخيره قالها انه في الشغل ومش هيرجع الا الصبح . وقبل الفجر بقليل علاء اخد جثة هبة ونزلها في شنطة العربية ، واخد جثة مدحت علي الكنبة اللي ورا وكأنه مغمي عليه ومشي بالعربية بأقصي سرعة !!! وانا بدأت اغسل الشقة وانضفها من كل اثار الدم والبصمات ، و فضلت انضفها لحد الصبح لغاية ما خلصتها وكنت همو*ت من التعب ونمت علي الارض من التعب !!!!!
يادوب عيني غمضت عيني وروحت في النوم شوفت مدحت قدامي والشقة كلها ضلمة وشكله كان مرعب اوي وبيقولي : حرام عليكي يا مجرمة خونتيني و ق*لتيني . : انا … : انا جاي انتقم منك وامو*تك زي ما مو*تيني . وقرب مني اوي وحط ايده علي رقبتي وبدأ يخنقني وانا عاوزة ادافع عن نفسي او اهرب لكن مش قادرة وبدأت احس باختناق وان روحي بتطلع و….. سمعت جرس الباب . قومت من النوم مفزوعة وقولت يارب يكون حلم مش حقيقة !!!
فتحت الباب لقيت علاء في وشي وبيقولي : خلاص يا حبيبتي دلوقتي احنا في امان . : ازاي ؟ : ازاي ايه ؟ انتي لسه نايمة ولا ايه ؟ : ايوه كنت نايمة . : خلاص اتخلصت من الجثث ودفنتهم مفيش ولا اي اثر . اخدت نفسي وقعدت وعرفت انه مكنش حلم وكان حقيقة !!! الحلم بس لما شوفت مدحت وانا نايمة . يعني مدحت ما*ت !!! قصدي اتق*ل !! علاء بص ليا وضحك وقالي : انتي لسه خايفة ولا ايه ؟
: ايوه طبعا . : لا خلاص مفيش خوف ، يلا بينا نحتفل . : نحتفل ازاي ؟ علاء مسك ايديا وقومتي وحضني واخدني دخلني اوضة النوم وانا مش قادرة ولا اقاوم ولا اتكلم ولا اعمل اي حاجة !! واخدني نيمني علي السرير وبدأ يخلع هدومه و يقرب مني ووو … بعد قليل الجزء الاخير ياريت الكل يتفاعل علشان توصله نهاية القصة الحلقة ١٢ ( الاخيرة ) علاء مسك ايديا وقومتي وحضني واخدني دخلني اوضة النوم وانا مش قادرة ولا اقاوم ولا اتكلم ولا اعمل اي حاجة !!
واخدني نيمني علي السرير وبدأ يخلع هدومه و يقرب مني ووو … وفجأة علاء صرخ بأعلي صوته : هوه ….. هوه ….. : هو مين ؟ : مدحت .. كان هنا دلوقتي !!! : انت اتجننت !! ده انت اللي مو*ته بايديك !!! : ايوه ودفنته كمان !!! : اومال بتقول شوفته ازاي دلوقتي ؟؟ : معرفش !!! انا هتجنن !!! : يمكن بيتهيألك . : لأ انا شوفته زي ما انا شايفك كده .
: بيتهيألك بيتهيألك . : طيب احلفلك بأيه علشان تصدقي !! : اكيد ده ضميرك اللي صورلك كده . ضميرك بيأنبك علشان اللي عملته . : ويمكن عفريت مدحت . : عفريت مدحت ؟؟!!!!! : انت بتصدق في الكلام ده ؟ : ايوه طبعا ده حقيقة مش كلام انا متأكد ناس كتير اعرفهم شافوا عفاريت حقيقي . : انت هتخوفني ولا ايه !!! دا انا هبات هنا لوحدي مع البنات . : هما البنات فين صحيح ؟ مش شفتهم خالص من البارح !!
: سبتهم عند واحده صحبتي وانا راجعة من عند هند ، المهم تفتكر فعلا ممكن يظهر عفريت لمدحت ؟ : بيتهيألي ايوه . : وانا هعمل ايه دلوقتي ؟ انا كده هخاف اعيش هنا . : لازم تعيشي حياتك عادي علشان مفيش حد يشك فيكي . : عندك حق ، انا دلوقتي هبدأ أسأل عليه اهله واصحابه علي اساس انه غايب من البارح ومش رجع البيت وقلقانه عليه . : صح كده ، وانا هرجع البيت و هند كده كده عارفة اني كنت بايت في الشغل فمش هتسألني كنت فين .
وفعلا نزل علاء وانا روحت جبت بناتي من عند صحبتي وبدأت اتصل بأهل واصحاب مدحت وأسالهم عنه . وكل ما الوقت يعدي امثل اكتر اني منهارة من الخوف عليه . كل يوم الف طول النهار مع اهل مدحت علي اقسام الشرطة والمستشفيات ونسأل عنه وفي اخر اليوم ارجع البيت همو*ت من التعب .
وبالليل كنت بنور الشقة كلها وافتح الشبابيك واشغل اي صوت علشان مش اخاف من ظهور عفريت مدحت لكن رغم كده كنت اول ما عيني تغفل في النوم كنت بشوف كوابيس مرعبة !!! كنت دايما بشوفه بيكلمني ويعاتبني علي اللي حصل احيانا كان يهددني بالانتقام وتحويل حياتي لجحيم .لكن عمري ما شوفت عفريت له الا مرة واحدة بس !! لما صحيت من النوم قبل الفجر علي كابوس مفزع ولما قومت دخلت الحمام وانا بفتح باب الحمام شوفته جوه الحمام وبمجرد ما نورت النور اختفي !!!
انا متأكدة انها مش تهيؤات دي حقيقة مؤكدة . بدأت الشرطة كمان تبحث عنه بعد ما عملنا محضر تغيب باسمه . عادل عبد الله زمايل مدحت في الشغل بدأوا يتكلموا عن سر اختفاؤه واختفاء هبة زميلتهم في نفس الوقت خصوصا ان كتير منهم كانوا عارفين ان في حاجة بينهم مع بعض !!! طلعت اشاعات انهم هربوا مع بعض وسافروا مع بعض ، واشاعات انهم هربوا واتجوزوا عرفي !! و كلام كتير . وبدأت الشرطة تحقق مع كل المحيطين بيهم هما الاتنين !! لغاية ما بدأوا التحقيق معايا !!
وانا قاعدة قدام ظابط التحقيق شوفت مدحت قدامي !!!!!! حاولت اتماسك لكن معرفتش وبدأت اتلخبط في الكلام و اعرق بغزارة و اعترفت بكل اللي حصل !!!!!!! وبعدها حاول علاء يهرب لكن تم القبض عليه !! وقبل محاكمتنا كان اصعب لحظة لما هند اختي زارتني في السجن وقالتلي : انتي يا ولاء تخونيني ؟؟!! تخوني اختك !! : اسمعيني يا هند علشان تعرفي . : اسمع ايه ؟ مفيش مبرر في الدنيا للي عملتيه بعد ما فتحتلك بيتي وامنتك علي بيتي وجوزي وعيالي .
: صدقيني انا … : متكمليش مش عاوزة اسمع منك حاجة !! انا جاية دلوقتي لسببين الاول اني اقولك اني مش مسمحاكي والتاني اني اقولك رغم اللي عملتيه هربي بناتك علشان هما مش لهم ذنب . عادل عبد الله كان يوم صعب اوي وبعدها نفسيتي تعبت اكتر وبقيت مش خايفة من الاعدام بالعكس كنت بتمني انهم يعدموني علشان اخلص من عذاب ضميري والكوابيس المرعبة اللي كنت بشوفها كل ما اغمض عينيا . ويوم المحكمة وقفت في قفص الاتهام وجنبي علاء بيقرا قران وبيدعي انه ياخد حكم خفيف لكن انا كنت واقفة وبدعي ربنا اني اخد حكم بالاعدام علشان ارتاح .
لكن حكمت المحكمة في جناية ق*ل مدحت علي علاء بالاعدام بتهمة الق*ل العمد واخدت انا ١٠ سنين سجن بتهمة الاشتراك في الق*ل ، اما في جناية ق*ل هبة اتحكم عليا انا بالسجن ٢٥ سنة . عادل عبد الله للاسف علاء اللي كان نفسه يعيش اتعدم وانا اللي كان نفسي امو*ت واخلص من عذابي اتحكم عليا بالسجن ومش هخرج منه الا لو عيشت ٣٥ سنة تاني !!! كنت مش قادرة اتخيل اني اعيش في العذاب اللي انا فيه ده !!! علشان كده حاولت الانت*حار اكتر من مره لكن لسه ليا عمر !!!
ودلوقتي انا في السجن و بكتب حكايتي واللي حصل معايا وانا عارفة كويس اوي ان كتير منكم ممكن يهاجمني او انه يتصور اني انسانه مش كويسة لكن صدقوني انا مش عارفة عملت كده ازاي ولا عارفة اتصرف دلوقتي ازاي !!! ولا عارفة ممكن اكمل حياتي ازاي !!! تمت . مع تحياتي / عادل عبد الله
