امنية ادم

ادم قال…ايوه يعنى بتعيطى ليه انا اخر همى اصلا بس امنيه اترمت فى حضنه وقالت….اخدوها اخدوها خلاص بعد كل الى عملته اخدوها منى برضه ادم حمحم وبعدها منه شويه وقال..ايه هى الى اخدوها منك امنيه قالت …ملك انا هربت اصلا علشانها وتبهدلت كتير علشان تفضل معايا بس برضه اخدوها أدم قال …لا اهدى كده وأحكيلى أمنيه قالت …. انا كنت متجوزه واحده واتخنقت معاه وطلقنى ومشانى من البيت ادم قال…. اه طب مشاكى انتى وفهمناه تلاقيكى طلعتى عينو وانتو اساسا متتطاقوش بس ساب بنته ازاى ولاهى مش بنته امنيه وقفة بغضب ولسه هتتكلم

ادم قال ….اقعدى اناقصد كنتى متجوزه قبله وجبتيها اكيد مقصدتش جيبتيها فى الحرام يعنى للنطه دى امنيه قعدت وقالت ….لا بنته بس هوا كده بيبهدلنا كده انا والبنت ويمشينا قالى غورى مش عايز اشوف وشك ولاوشها ادم قال…امم تلاقيه بيشرب حاجه ده اكيد مش مظبوط مفيش اب يمشى بنته من البيت

.امنيهابتسمت بسخريه و قالت …حاجه واحده قول حاجات بس ومشيت منه ورحت بيت عمى لان انا يتيمه وعايشه مع عمى وهو
قال …نرميلو بنتو ويجوزنى لواحد تانى قال انتى لسه صغيره وحلوه والف مين يتمناكى بس انا مش عايزه اسيب بنتى واتجوز وسيبها مع ده لو أبوها كويس كان يمكن انما ده لا فاقمت اخدتها وهربت بيها وجيت على هنا ادم قال بسرعه ….اه وشمعنا انا بقى دولا عن الناس كلها الى خبطتى عليا ومتقوليليش صدفه مش هصدقها

امنيه قالت … لا طبعا مش صدفه انا الزفت الى انا كنت متجوزاه ده هيثم يعنى كان بيشتغل موظف عندك فى الشركه وانت رفدتو أدم قال …عندى انا فى الشركه و انا رفدتو أمنيه قالت….لسوء سلوكه وانا سمعت عنك كتير قوى عنك وعن كرمك و انك راجل طيب ومحترم فاكنت جايه عندك تشوفلى شغل عندك وسكن وكده والمطر قام وتبليت انا والبنت و قولت اغير للبنت الأول بدل ماتتعب ونزلت وكنت لسه هقولك وأفاتحك فى الموضوع وعمى لقانى وجوزونى ليك

ادم قال…اه طب انتى يعنى معندكيش حد غير عمك ده تقعدى عنده هوازاى عايزك تسيبى بنتك لواحد زى هيثم ده امنيه قالت….لا هو مش وحش احنا كده لماواحده تطلق ترميلو عيالو وتتجوز ولمايكبرو بقى يبقو يزوروها ادم قال بصدمه ….ايه ده انا لو امى سابتنى وتجوزت وانا صغير كده فى سن بنتك مابصش فى وشها تانى امنيه قالت… بيبقى غصب عنها يعنى مش بمزاجها اكيد ياأدم ادم قال…ودلوقتى مين اخدها عيلتى ولا عيلتك أمنيه قالت …لا تقربيآمع عيلتك لان والدك قال هتبقى معايا الفتره دى

أدم قال…اه علشان عرسان وكده يعنة طيب انا يومين كده وهكلم بابا وهاجيبها تقعد معاكى ومحدش هيخدها منك ابدا تانى وحتى لما نطلق هشوفلك شغله عندى فى الشركه علشان تصرفى على بنتك منها وهجبلك شقه تقعدى فيها امنيه مسحت دموعها وقالت بفرحه …جد انت هتساعدنى يا أدم بس انت زمبك ايه ادم قال…. ايه الى بتقوليه ده انا اكيدطبعا مش هسيبك لوحدك يعنى ده انتى حتى لسه مدحانى دلوقتى امنيه ضحكت وسط دموعها و ادم فرك دماغه بحرج وقال…انا اسف ياأمنيه على الى عملته معاكى بس انا والله كنت فاكر انك بتصتادينى

امنيه ابتسمت بسخريه وقالت…اصطادك انت معندكش فكره قد ايه انا كرهت الصنف كله الحمد لله يعنى مافيش واحد بس اتعرفت عليه اطلعه من وسط الى خزوقونى اقول اجرب يمكن يطلع زي فلان ادم ضحك وقال… على فكره فى ستات برضه بتخزوق يعنى مش بس الرجاله امنيه ضحكت وقالت…انت كمان متخزوق زى ادم قال…لا مش قوى مش لدرجة زيك يعنى انا لحقت نفسى بدرى شويه كانت مجرد خطوبه بس أمنيه قالت …كنت بتحبها أدم قال …لا كانت صالونات اصلا

أمنيه قالت… شوفت الستات مستحيل تجرح احيانانابيجرحو نفسهم وبياجو على نفسم اوقات انما يجرحو حد تانى لا ادم قال…طب ايه رأيك انا هعمل جروب للشله بخصوص الموضوع ده وكل الى اتخزوق يحط لايك ونشوف الرجاله اكتر ولا الستات واقولك أمنيه ضحكت وقالت…لا ياعم وعلى ايه واحنا مالنا سيب الناس فى حالها انت يعنى اتعقدت ومتجوزتش علشان كده ادم اتنهد و قال…. مش هتصدقى طبعا لو قلتلك انى ملقتش البنت المناسبه لحد دلوقتى حتى خطيبتى حسيت ان احنا مش هنتفاهم فافركشت معاها

أمنيه قالت بحزن …انا اكتر واحده اصدق انا كان نفسى ان شريك حياتى يفهمنى وافهمو ويحبنى ويخاف عليا بس النصيب بقى هنعمل ايه وفضلو يتكلمو ويتعرفو وكانو قاعدين سوا لحد النهار ماخلص بالليل ادم قال…ايه رأيك لو نخرج انا وانتى هوديكى السينما امنيه قالت …سينما بجد يعنى ادم قال..اه هنتفرج على فيلم فى السينما انتى أول مره تروحى السينما أمنيه قالت …اه أول مره أدم قال…خلاص جربى معايا بس الافلام اجنبى هاشوف واحد عربى استنى كده لحظه وطلع الفون بتاعه

بس أمنيه قالت…انت فاكر ان انا مش هفهمو انا بفهم أنجليزى كويس قوى انا مش بسمع اصلا غير اجنبى ادم قال …ازا كده يبقى تمام يلا بقى البسى هنخرج دلوقتى وانا كمان هروح البس امنيه قالت…هوانا يعنى لبسى عبايات وكده ده عادى ولا أدم قال…طبعا عادى انتى حره اكيد تلبشى الى انتى عايزاه بس فى ملابس محجبات غير العبايات انا هبقى اجبلك منها بس دلوقتى هنروح عادى بالى معاكى يلا وبعد شويه كانو جهزو وطلعه

وادم كان بيسوق وشاف امنيه شارده شويه قال…. المره الجايه هنجيب ملك معانا وهنوديها الملاهى امنيه ابتسمت و قالت….انشاء الله وبعد شويه كانو قاعدين فى السنيما وأدم كان مركز مع الفيلم قوى وأمنيه كانت قاعده بتاكل فيشار بمملل شديد ادم بصلها وقال….ايه الفيلم مش عاجبك ولا ايه امنيه قالت…. وهو ده ده فيلم يعجب حد أدم قال …ليه مالو ده مكسر شبابيك السينما يابنتى ده ناجح جدا أمنيه قالت …يكسر الشبابيك يكسر البلكونات مليش فيه كله كدب واستخفاف بعقل المشاهد

ادم قال…ايه ليه ده الفيلم تحفه واقعى جدا امنيه قالت ….لان مفيش راجل رومانسى بالطريقه دى بيضحكو على الناس ادم ضحك وقال…لا فى على فكره رجاله رومانسيه كتير وأكتر من كده بس انتى بتقعى فى عشماوى دايما حظك نحس بقى نعملك ايه أمنيه ضحكت وقالت…اه عشماوى تصدق صح وحظى نحس فعلا انت بتفهم تعرف انا فى مره قولت خلاص انا هقفل باب الزعل ده وأفتح باب الفرحه وأعيش أدم قال…برافو وعملتى ايه أمنيه قالت قفلت الباب فعلا وفتحت باب الفرحه لقيت الزعل هناك بيقولى تعالى فرحه ما,تت بس فى بنت جمبهم قالت…..اش احنا بنسمع الهدوء لو سمحتو

ادم قال…. اوه sory اخدنا الحديث بس البنت بصت لأدم جامد وابتسمت و قالت بتوهان … لامفيش مشكله عادى انت برحتك خالص ياأستاذ امنيه بصت لأدم بغيظ وقالت …انت بتعتزر ليه احنا دفعين زيك وبنتفرج على الفيلم زيك وبعدين احنا صوتنا واطى انت راميه ودنك معانا ليه ها البنت قالت ….ايه انتى قصدك ايه ايه الكلام ده احترمى نفسك ياأنسه لو سمحتى عيب كده مايصحش امنيه شهقت بردح وقال….اه أنسه اه ماتلاقيه الى جمبك ده باى فرند ومعرفش ايه وحطت ايدها على كتف

ادم وقالت …ده مسيو أدم جوزى على سنة الله ورسوله كمان وحطت ايدها فى وسطها وقالت…يعنى مش ضاربين ورقتين البنت حطت ايدها على بقها بصدمه وادم شد امنيه من خصرها لعنده وبصلها بابتسامه وقال ..اسفين جدا يجماعه خربنا عليكم سهرتكم احنا طالعين اهوه اسفيين مره تانيه واخد امنيه وطلعو وأدم بصلهاو بقى يضحك جامد امنيه بصتله بغيظ و قالت…انت ايه الى مضحكك كده ها ضحكنى معاك ادم بصلها وقال …راميه ودنها رمياها ازاى ماهى فى دماغها اهيه يابنتى انتى ماشوفتيهاش

امنيه ضحكت وقالت ….لا رميها معانا يعنى مركزه معانا وبعدين انت ماشى تعتزر للناس احنا مضيقنهاش هى الى كانت عايزه تتدخل فى كلامنا فكراك صاحبى ولاخطبى وعايزه تشقطك بقى وكده ادم ضحك تانى وقال..ايه الخيال الواسع ده لا على فكره هى اتكلمت عادى يعنى متقصدش امنيه قالت…..اسكت انت ايش عارفك دى حجات انت متفهمهاش انا افهمها على شان انا ست انت مشوفتهاش وهى بتقول .وقلدت البنت بطريقه كوميديه وقالت ….لا عاد انت براحتك خالص دى كان ناقص تاخد رقمك

ادم قال…. طيب ماشى خلاص انا حليوه اصلا ودى اقل حاجه عندى أمنيه بصتله بغيظ وأدم حمحم وقال… حصل خير اهدى انتى اساسا الفيلم مكانش عاجبك أمنيه قالت ….لامش كده والله مش الفكره بس البتاعه دى ضايقتنى قوى دى ولاشافتنى اصلا زى ماكون علبة فيشار وسطيكم لا دى شافت العلبه الى معاك ومشافتنيش انا ادم قال… لا مش علبة فيشار ولا حاجه ست وست الستات كمان بس السهره كده اضربت نروح بقى دلوقتى ولا نعمل ايه

امنيه قالت ….انا من زمان نفسى اسهر سهره على زوقى