اسكريبت

” قرب مني انا بحبك يا نادية ” شفايفنا كانت قريبة أوي من بعض ، غمضت عيني وكنت لسة…. ، الباب خبط ، اتفزعت وقومت بسرعة ، بدأنا نبص لبعض بخوف ، حسام دخل بسرعة على الأوضة ، وانا روحت افتح الباب فؤاد ، انت ايه اللي جابك دلوقتي!! يتبع…. الحلقة الثانية مالك مخصوضة كدا ليه زي ما يكون معاكي حد جوا = لا بس مستغربة انك جاي دلوقتي مفيش اصل فضلت الف بالعربية ومكنتش عايز اروح بصراحة ، من كتر الفرحة مش عايز اليوم يخلص ، لسة عايز اكمله معاكي

= طب ايه ، تحب ننزل؟ لا ننزل ايه ، مينفعش ننزل دلوقتي ، انا هقعد معاكي شوية وهمشي = اصل انا خايفة الجيران تقول حاجة كل واحد يقول زي ما هو عايز يقول ، انا خطيبك وشوية وهبقا جوزك ” سكت مش عارفة ارد اقول ايه مالك يا نادية ، أنتي واخدة بالك اني لسة واقف على الباب وانتي مش عايزة تدخليني ” ابتسمت ابتسامة خفيفة انا اسفة ، اتفضل ” دخل نظراته ليا كانت كلها علامات استفهام على تصرفاتي ، ماهو انا برضو عندي مصيبة جوا مش عارفة اعمل فيها ايه

برضو مش هتقوليلي مالك = كويسة يا فؤاد هو في حاجة ضايقتك النهاردة؟ = لا خالص بالعكس اليوم كان حلو جدا طب انا زعلتك؟ = هو انت عمرك زعلتني أصلا امال مالك بقا = م.. مفيش يعني اصل انا كان نفسي ماما تكون معايا النهاردة انا قولتلك نعزمها وأنتي اللي رفضتي خلي بالك = مش قادرة اسامحها يا فؤاد ، حاولت ومعرفتش طب بصي انا عندي الحل ، ايه رأيك اروحلها واتكلم معاها = هتقولها ايه يعني

احاول اصالحكو على بعض ، في الاول والاخر دي امك يا نادية = مفتكرش انك هتعرف عادي سبيني احاول = اعمل اللي انت عايزه متقلقيش من حاجة طول ما انا جنبك واخر مرة اشوفك زعلانة كدا ” بكلمه وانا مش مركزة معاه ، سرحانة وخايفة من.. ، لقيته مسك ايدي نادية ، الموضوع كدا مش موضوع مامتك خالص ، هو انتي مش مبسوطة معايا يا نادية = ازاي يعني ، هو لو انا مش مبسوطة كنت هوافق اننا نتخطب

طب مالك ، انا مش هسيبك غير لما تقولي = انا بس حاسة اني… ” وهنا حصل اللي كنت خايفة منه ، سمعت صوت حاجة بتقع على الأرض جوا ، اتخضيت وقومت وقفت بسرعة ، فؤاد كمان وقف وهو بيبصلي هو أنتي في حد معاكي جوا = ايه اللي انت بتقوله دا ، اكيد لا طبعا مفيش حد معايا امال ايه الصوت اللي جوا دا = دا.. دا تلاقيه الراديو مالك متوترة كدا ليه يا نادية ، من اول ما جيت وأنتي متوترة ، هو في ايه جوا وقلقانة منه أوي كدا

= هيكون في ايه يعني خلاص انا هعرف بنفسي ايه اللي جوا = استنا يا فؤاد ” جريت وراه عشان احاول امنعه يدخل الأوضة ولكن المصيبة كانت ان باب الأوضة اتفتح وحسام خرج منه من غير ما تتعب نفسك وتدخل ، انا اللي كنت جوا = حسام!! ” بص ليا وهو مصدوم انت ايه اللي جابك = نفس السبب اللي انت جيت عشانه ” فؤاد اتعصب و صوته بقا عالي حسام انا مش عايز هزار ، قولي انت بتعمل ايه هنا

= محسسني انك مش عارف ، لا انت عارف يا فؤاد بس انت اقولك عكس اللي في دماغك لكن لا اللي في دماغك صح ” فؤاد جري عليه ومسكه من رقبته بتعمل معايا انا كدا يا ابن ال**** ” حسام بكل قوته عرف يفك نفسه انت اللي بدأت ، يوم ما جيت تسألني عنها وانت عارف اني بحبها = قبل ما ااخد اي خطوة سألتك برضو اذا كان في حاجة بينك وبينها وانت بنفسك قولتلي لا

” حسام مسكني شدني من ايدي عشان اقف جنبه نادية دي بتاعتي انا ، تبقا اتجننت لو فكرت تاخد حاجة تخص حسام الهواري

مين حسام الهواري ، ااااه يكونش قصدك انت ولا انت تقصد مين بقا ب حسام الهواري دا ، قصدك حسام الهواري المحامي المشهور اللي يرعب أي محامي يقف قدامه ولا قصدك حسام الهواري اللي جالي وهو لسة متخرج ومش لاقي مكان يقبل بيه حتى محامي تحت التدريب حتى ، فاكر يا حسام ، فاكر هدومك المعفنة اللي كنت بتجيلي بيها البيت ، انا اللي وقفت جنبك لحد ما عملت اسم ووصلت للي انت فيه دلوقتي ، بقا هو دا رد الجميل

= كل اللي انت عملته معايا اظن انك خدت المقابل بتاعه ف انا بقول كفاية لحد كدا وبلاش نفتح في اللي فات وليه منفتحش ، خايف من ايه ، وبالمناسبة يا نادية هو حسام قالك انه كان متجوز قبل كدا ” بصيت ل حسام وانا مصدومة متجوز!! ، انت كنت متجوز يا حسام ” كان واقف ساكت مبيردش رد عليا ، انت كنت متجوز قبل كدا ” ساعتها فؤاد هو اللي رد عليا

هيرد عليكي ازاي يا نادية ، اصله اكيد مش هيقولك انه كان متجوز عرفي ومراته كانت حامل و رفض يعترف بالواد ، لا وكمان بعتها عند دكتور شمال عشان الواد ينزل ” حسام زعق

فؤاد ، عايزها تترمي على صدرك وتعيط ولا ايه ، طب خليها لما تعرف حقيقة الراجل اللي مخطوباله الاول ، فؤاد سليم الحداد معروف عنه أنه او*سخ واحد تقابليه في حياتك ، تحب اقولها انت عملت كام علاقة مع اي سكرتيرة تيجي عندك ولا اقولها انك كنت عايز تعمل معاها علاقة ولما لقيتها محترمة قررت تتجوزها وكان هياخد منك اللي هو عايزه ويرميكي ، دا غير الناس اللي هو نصب عليهم ، ايوا يا نادية ، فؤاد نصاب وعامل بلاوي كتير اوي ، خلي بالك يا فؤاد في ناس كتير أوي مستنية بس اني اديهم اشارة وساعتها هيخلصو عليك

” فؤاد قرب مني نادية متصدقيش اللي هو بيقوله ، دا كداب ، يا نادية انا اللي بحبك ، حسام عمره ما حبك ، اديني فرصة بس وانا هفهمك ” انا واقفة مش حاسة بأي حاجة ، مصدومة ومش مصدقة اللي انا بسمعه انا مصدومة في الاتنين ، معقولة يطلعو كدا ، لا لا اكيد انا بحلم.. ، حسام مسك ايدي واتكلم نادية ، انا بحبك والله ، انا عمري ما كنت هفكر اعمل معاكي اي حاجة وحشة ، يا نادية ردي عليا طيب

” كنت باصة عليه ومش قادرة ارد ، فجأه بص على فؤاد وعنيه مليانة غضب و رفع المس*دس في وشه ، بس فؤاد ابتسم ومد ايده جوا الچاكيت و رفع هو كمان مس*دس في وش حسام ، قعدت على الأرض وانا مغطية وشي كفاية حرام عليكم ، كفاية.. ” سمعت صوت فؤاد وهو بيرد عليا هو اللي دخل بينا و عايز يدمر حياتنا ، عايز ياخدك مني بس متقلقيش انا هخلصك منه خالص

” سمعت صوت ضرب النار ، قلبي اتقبض ، خايفة افتح عيني ، خايفة من اللي هشوفه ، انامرعوبة ، فتحت عيني ببطئ ، شوفته واقع على الارض ، بصيت ل حسام والدموع في عنيا انت عملت ايه!! يتبع…. الحلقة الثالثة قت*لته ليه ، ليه يا حسام حرام عليك ، حرام اللي بتعمله دا = نادية أنتي بتاعتي أنا فاهمة يعني ايه بتاعتي ، هو كان لازم يموت قبل ما يفكر انه ياخدك مني ” بعدت عنه بخوف ، بزحف ل ورا وخطواتي بطيئة جدا

وانا مش عايزاك ، انا بقيت خايفة منك.. ” مقدرتش اكمل بسبب العياط اسمعيني احنا هنحاول نخفي الج*ثة دي بأي شكل ، لازم محدش يعرف حاجة عنها ” مكنتش مركزة وحاسة إن الأرض بتلف بيا انتي سامعاني ولا لا ” سامعة صوته بعيد أوي ، غمضت عيني ، مش هينفع يغمى عليا دلوقتي ، لازم ابقا صاحية ، بحاول افوق بأي طريقة ، الصوت رجع يقرب تاني نادية ، سامعاني ولا لا ” فتحت عيني ، كان حسام قاعد قدامي وايديه لامسة وشي عشان يفوقني ، شيلت ايده ووقفت وقولت ب جمود

انا مليش دعوة بيك ولا ليا دعوة بالجريمة دي ، اتصرف انت لوحدك = نادية انا عملت كدا عشانك أنتي ، عشان بحبك اكيد مش هتيجي دلوقتي وتبعيني و هو انا قولتلك اقت*له ، دا غير انك عملت كدا عشان ميفضحكش اكتر قدامي ، بس خلاص يا حسام كل حاجة بانت ، انت كداب و و*سخ زيك زي وائل ، انتو الاتنين متفرقوش حاجة عن بعض ” قرب مني ومسكني من شعري وزعق بقا انا تشبهيني ب وائل يا حيلة امك ، انااا حسام الهواري مليش شبه ولا في اي مخلوق في الدنيا هيكون نسخة مني حتى

” اتكلمت وانا بتألم السواد اللي جواك طلع اهو ، هو انا ازاي مكنتش شايفاك على حقيقتك = عشان شايفاني ب عين واحدة ، انما لو كنتي شوفتيني كويس كنتي هتعرفي انك ملكيش غيري ولا حد هيقبل بيكي ، يابت ، يابت دا انا ممكن الصبح اخلي سيرتك على كل لسان ومتنسيش انك مطلقة دلوقتي يعني سيرتك هتتجاب في كل ثانية ” صوته بقا عالي أكتر كل داا انا ممكن اعمله ومحدش هيقدر يقف قدامي ، وممكن برضو ارجع حسام بتاع زمان ، هااا تختاري ايه

= انا بكرهك ، بكرهك كدا أنتي اختارتي ” رماني على الأرض انا مش هتعب نفسي ، شوفي معايا كدا الخبر دا ، بعد ساعات من اعلان خطوبتهم ، حريق في شقة رجل الأعمال فؤاد الحداد وخطيبته مما أدى إلى تفحم الجثث بالكامل ، حلو مش كدا ” المس*دس بقا متوجه ناحيتي وهو مبتسم الوداع يا نادية ” الطلقة خرجت وقبل ما تدخل جسمي ، الدنيا كلها لفت بيا ، كل حاجة بتتغير وبتتبدل حواليا ، اتبدلت ل مشهد تاني خالص ، انا نايمة على السرير ، فتحت عيني لقيت فؤاد وحسام قاعدين جنبي ، حسام قام بسرعة وقرب مني

نادية ، حمدالله على سلامتك يا حبيبتي ” فؤاد هو كمان اتحرك وقام ابعد كدا يا بني آدم انت عشان تاخد نفسها ، نادية أنتي كويسة؟ ” بصيتلهم بعدم فهم هو ايه اللي حصل ” حسام رد عليا أنتي اغمى عليكي يا حبيبتي بعد كدا جيبناكي الأوضة هنا وفضلت قاعد جنبك لحد دلوقتي ” فؤاد قاطعه اسمها قاعدين جنبك ولا انت مش واخد بالك = نفسي اشوفك بس مش عارف طب بعد اذنك اطلع برا ، عايز اتكلم مع خطيبتي شوية

= لا انا مش طالع حسام انت في بيتي يعني انا ينفع اطردك عادي جدا بس عشان أنا عندي اصول مش عايز اعمل كدا ، الأصول اللي انت متعرفش عنها حاجة = خلاص خلاص من غير ما تطول لسانك ، انا همشي ” حسام خرج من الأوضة وسمعنا باب الشقة وهو بيتقفل ، فؤاد قرب مني وقعد ، حاولت اتحرك عشان اعرف اقعد بس مكنتش لسة قادرة بس لكن هو من غير ما اطلب قام و ساعدني

شكرا = مفيش بينا شكر ، المهم أنتي كويسة دلوقتي اه احسن = ليه مقولتليش يا نادية اقولك ايه = انك بتحبي حسام ، ليه خلتيني اعيش حلم مش بتاعي ، عارفة المشكلة ايه ، المشكلة اني صدقت رغم اني كنت حاسس انك مش مبسوطة بس حبي ليكي خلاني عايز اصدق ، من جوايا كنت محتاج اصدق انك بتحبيني وفي الاخر طبعا انتي محبتنيش ، وانا مش زعلان منك على فكرة بس عايز اعرف ليه ، ليه وافقتي نتخطب

فؤاد والله انا ما كنت متخيلة ان كل دا يحصل ، انا ا كنت خططت ل حياتي معاك بس فجأه حسام ظهر تاني وقال كلام مكنش ينفع يقوله في الوقت دا ، انا بحبك يا فؤاد ، انت شخص طيب وجدع ، كل حاجة فيك حلوة ” لقيته ابتسم و رجع يكمل كلامه حبتيني عشان أنا جدع وكويس ومحترم لكن محبتنيش عشاني انا ، انا مكنتش عايزك تحبيني بالطريقة دي = بس المهم اني بحبك

لا تختلف كتير ، الموضوع عامل زي البنت اللي بتتجوز واحد مبتحبوش وعشان اهلها يخلوها توافق بيقولولها الحب بييجي بعد الجواز وبييجي بالعشرة ، و دا عمره ما كان حب ، في اسامي تانية كتير ممكن يتسمى بيها لكن مش حب = فؤاد انا لو مكنتش بحبك مكنتش هوافق نتخطب وافقتي ومع اول كلمة من حسام ، قلبك رجع يدق تاني = طب انا موافقة نتجوز ومن بكرا كمان وانا مش هعيش معاكي غصب عنك

” مقدرتش اتمالك نفسي و بدأت اعيط انا مش عايزة اخسرك = ومين قال انك هتخسريني ، احنا هنكمل زي ما احنا ، أنتي هتكملي شغل معايا بس هنعمل تعديل بسيط ، اعتبري الخطوبة دي محصلتش ” شال الدبلة من ايده وحطها جنبي على الكوميدينو كدا احسن ليا وليكي ، ولما تقرري أنتي عايزة مين فينا ابقي قوليلي ، انا هسيبك ترتاحي ولما تقومي بالسلامة ممكن تيجي وتكملي شغلك ، مع السلامة خلي بالك من نفسك

” مشي وانا انهارت من العياط ، كان ممكن يزعق ، كان ممكن يتعصب ، كان ممكن يعمل اي حاجة غير انه يتكلم بالطريقة دي ، خلاني اشوف نفسي قد ايه انا واحدة حق”يرة ومستاهلش واحد زيه ، انا مينفعش اضيعه من ايدي ، طب وحسام هسيبه بالساهل كدا ، انا اصلا معرفش انا عايزة ايه ، محتارة اوي ، لو أي حد مكاني هيختار مين ، حسام ولا فؤاد ، يارب اديني أي إشارة ، يارب انا تعبت ، كنت مرهقة جدا ، سندت دماغي على المخدة و نمت ، فوقت بليل على صوت جرس الباب ، الساعة كانت 9

، قومت بصعوبة و فتحت الباب ، كان حسام ، فتحت دخلت قعدت على الكنبة #بقلم : #عمرو راشد انا قولت أنتي تعبانة ومش هتقدري تعملي اكل عشان كدا جيبتلك اكل = شكرا انا مش جعانة لا أنتي لازم تاكلي عشان تقدري تقفي على رجلك ” كان بيفتح الاكل اللي معاه = هو انت جاي ليه ” بص ليا وساب الاكل على الترابيزة جاي عشانك = ضحكت ب استهزاء عشاني!! ، و عايز ايه بقا

= جاي اطمن عليكي يا نادية ، مالك ومش مكفيك اللي حصل بسببك = هو ايه اللي حصل ، قصدك عشان فؤاد شافنا ولا عشان فشكل الخطوبة مالك بتتكلم بسهولة أوي كدا ليه = عشان دا اللي المفروض يحصل من الاول ، و اهو حصلت يبقا مالك بقا مستغربة ليه مستغربة انك لسة عايز تكمل و تدمر حياتي اكتر ما انت دمرتها = دمرت ايه يا نادية ، أنتي حقي ورجعتيلي تاني ، لو خايفة فؤاد يرفض تكملي شغل معاه ، ولا يهمك انا هجبلك شغل في مكان احسن منه وبعدين بعد الجواز مش هتحتاجي انك تشتغلي

بعد ايهه! ، جواز ايه ، مين قالك اني موافقة = هو انتي مش خطوبتك أنتي وفؤاد باظت ، طب خلاص نتجوز انا وأنتي بقا ، هنستنا ايه تاني لا طبعا مش هيحصل = هو ايه دا اللي مش هيحصل ، امال أنتي عايزة ايه انا لسة مقررتش = هو انتي حبيتي الواد دا انا مشوفتش منه غير كل حاجة حلوة يبقا اكرهه ليه = عشان انا بحبك والمفروض انك انتي كمان بتحبيني ماانت رفضتني لما انا جيتلك ، ودلوقتي جاي تطلب مني اننا نرجع ، لا يا حسام أنا مش لعبة تسيبها بمزاجك و ترجعلها بمزاجك

= يعني ايه يعني انا لسة مقررتش انا عايزة ايه = وقرارك دا هيطلع امتا ان شاء الله في الوقت اللي انا اختاره برضو ” قام وقف و زعق وعلى ايه الوقت دا كله ، انا هسهلها عليكي ” مشي ، انا بفكر امشي من الشقة دي ، انا معايا فلوس ممكن ااخد بيها اي شقة ايجار لحد ما اشوف انا هعمل ايه ، طول ما هما عارفين طريقي عمري ما هعرف افكر والموضوع هيتصعب أكتر ، شكلي كدا اتكتب عليا اني اهرب طول عمري مرة من وائل ومرة من اهلي ومرة من حسام و فؤاد ، تليفوني رن

ايوا يا نادية ، اخبارك ايه دلوقتي = الحمدلله فاضية؟ اه فاضية = ينفع اعدي عليكي؟ اه طبعا ينفع = طب انا نص ساعة وهكون عندك ” قومت خدت دش وغيرت هدومي واستنيته ، بعد شوية جرس الباب رن ، فتحت انا مبعرفش اتحجج و اقول كلام ابرر بيه تصرفاتي بس انا كنت عايز اطمن عليكي حتى لو من جهة اننا صحاب = بس احنا مش صحاب بس يا فؤاد ” مسكت ايده احنا أكتر من كدا على فكرة

” سحب ايده مني قوليلي أنتي كويسة دلوقتي = اه الحمدلله دا انتي كمان طلبتي اكل.. ” سكت ومعرفتش ارد ومن الواضح انه فهم حسام صح ” مردتش عليه من الاحراج اللي كنت فيه انا كنت عارف انه جاي تاني ، طيب عموما انا طمنت عليكي خلاص ، بعد اذنك انا همشي = استنا بس يا فؤاد ، انا عايزة اتكلم معاك خير في ايه = كنت عايزة اقولك يعني… ” حسيت بحركة غريبة برا ، صوت همس من ناس كتير ملحقتش افكر كتير لان فجأة الباب اتكسر ، و دخلو ناس ملثمين

اثبت عندك يالاا انت وهي يتبع….