🌹🌹🌹🌹🌹🌹🌹🌹🌹🌹🌷🌷🌷البارت السادس من الجزء الثاني اميره الرعد صلوا على الحبيب المصطفى بقلم /ندا الشرقاوي وصلت اميره الحفله هيا وجنه ونزلت من العربيه بمرافقه الحرس وهيا في قمه الثقه والكبرياء لان الوقت الحال يريد قوه فهي اميره المنشاوي اسم لا يستهين به اي احد وبدأت الصحافه تصورها هيا وجنه احد الصحافه /هل مستر رعد مازال في غيبوبه؟ اميره /السوال دا هجاوب عليه في الحفله اكيد حضرتك هتكون جوه اسمع الاجابه بقا احد الصحافه /هو فعلا حضرتك خلفتي من رعد المنشاوي
اميره /امال كان عندي انتفاخ افسح الحرس الطريق لاميره ودخلوا واستقبلهم الجميع احسن استقبال أكرم /اهلا بسنيوريتا… اميره /انا ولا جنه أكرم /جنه طبعا تعلقت جنه برقبته وشالها جنه /حلو فستاني أكرم /قمر ياروحي ياسمين /اميره داخله زي الاميرات اميره /قلبي طبعا تاج في القصر ياسمين /اه بصي بصي مرام جايه ازاي دخلت مرام ويوسف ومرام تعبث مثل الأطفال مرام /شوفت يايوسف هما شكلهم حلو ازاي وانا شبه البطيخة يوسف بقله حيله /ياحبيبتي انتي حامل والله وهما كانوا زيك بالظبط وبعدين انتي جميله اوي حته اسألي جنة
جنه /اه ياطنط انتي جميله خالص مرام بفرحه مثل الأطفال /بجد جنه /اه ياله هاتي النونو بقا علشان بقا عندنا بيبيهات كتير اوي في القصر يوسف /قريب ياروحي اميره /بابا هيجي أمته أكرم /المفروض يكون وصل ****/مدام اميره اميره بابتسامه مصتنعه /مستر معتصم اهلا بيك معتصم باعجاب من جمالها وفستانها /اهلا بيكي احب اقول لحضرتك انك جميله اوي أكرم /وايه تاني ياحنين معتصم/لا يااكرم انا بعبر عن إعجابي بس مش بعاكس جنه بصوت واطي ليوسف /من عمو الرخم دا
يوسف /بس عيب ياجنه بس انتي عندك حق بردة اميره /شكر لزوقك معتصم لجنه /مين القموره دي جنه /جنه رعد المنشاوي معتصم /بجد انتي عندك بنت كبيره كده اميره /اه عندي اربع أطفال عن ازنك بقا الحفله هتبدا ياله ياجماعه الباقي /ياله معتصم بصدمه /دي عندها اربعه ليه دي مكملتش ال22سنه بدأت الحفله كل الناس حضره وكبار رجال الأعمال وسليم المنشاوي جنه وحضر
سيده /طبعا كلما عارفين ان شركه المنشاوي حققت رقم كبير اخر فتره وكمان من غير رعد المنشاوي واشتغلت علي مشاريع كتير والفضل يرجع لمدام اميره اصغير سيده أعمال في الشرق الأوسط وشركه المنشاوي بقت من الشاركات العالميه والحفله دي لتكريم أصغر سيده أعمال وهيا اميره المنشاوي صفق الجميع بفرحه لاميره واميره كانت فرحانه بنجاح اللي حققته واحمد كان فرحان لبنته باللي وصلتله طلعت اميره وهيا فرحانه
اميره /طبعا انا مبسوطه بلقب أصغر سيدة أعمال انا اتغيرت في الفتره الاخير وانا فرحانه بالتغير دا بس انا مش سيده أعمال انا طالبه في كليه طب اه متستغربوش انا طالبه بس ميضرش اني هفضل في الشركه وشكرا اني اعرفت عليكي والفضل يرجع لاكرم المنشاوي هو كان شايل الشركه برده هو واستاذ يوسف وانا كده خلصت ومستعده لأي سوال الصحفي /استاذه اميره حضرتك نفيتي ان رعد المنشاوي في غيبوبه طب ازاي هو فين اميره /مين قال ان رعد في غيبوبه الاخبار دي كاذبه
استغربت العيله وبالاخص سليم الصحفي /فين رعد المنشاوي طيب اميره /ليه السيده /بعتذر عن قطع الحديث بس بنحب نقدم اللقب لاصغر سيده أعمال اميره /ميرسي انا مش هستلمه شخص تاني اللي هستلمه فاجاه انطفت الانوار وفتحت ودخل رعد وهو في قمه الوسامة دخل بثقه واستغرب الحضور جدا ازاي بدأت الكاميرات تصور والصحافه والعائله في حاله زهول طلع رعد لاميره واحتضنها أمام الجميع اميره /اهو رعد المنشاوي مين بقا اللي قال في غيبوبه رعد كان مسافر بره مصر للاستراحة والاستمتاع بعيد عن الشغل وطبعا الحادثه اللي حصلت كان لازم يفصل عن كل حاجة شويه وانا بنفسي كنت بسافر بره مصر
